Video
Read full review
2024-11-11
721 views
呢晚喺銅鑼灣搵咗間日式串燒店同友人飲返杯，呢間串燒店主打豚肉串，啱晒呢位唔食牛嘅友人啊🤭 餐廳仲有一啲半價嘅串燒，我哋都食得好開心😁前菜♦️蒜香番茄呢個前菜用上新鮮嘅材料，簡單嘅醬汁，酸酸甜甜幾開胃🍅♦️黃金魷魚呢個黃金魷魚份量都幾多，有黃色嘅魚子同埋魷魚條，魷魚嘅味道都幾香🦑 半價真係勁抵食呀。刺身盛合五款呢一個刺身盛有三文魚、油甘魚、赤蝦、帆立貝同埋勁鮮甜嘅北海道海膽。刺身質素都唔錯，食落口唔腥又夠鮮味🐟鱈魚乾呢個小食送酒一流，餐廳先將鱈魚乾烘乾，再配上日式嘅蛋黃醬，加少少七味粉調味，已經令人上癮食唔停口🤣 又係半價小食！串燒串燒方面，今次嗌咗好多款豬肉，因為友人唔食牛😮 估唔到淨係豬都有咁多選擇😆♦️波棒糖豬腩肉串一串都超有份量，拎上手都幾重，餐廳將豬腩肉捲成圓形，呢個方法嘅豬腩肥瘦比例更加均勻，食落口唔會太膩🍭♦️西班牙產黑豚肩肉串肉質較實淨，但又唔會太乾身變韌。♦️西班牙產黑豚豬頸肉串呢個油脂感滿滿，食落口好juicy😗♦️西班牙產夾心肉肉質都係較實淨，食落口有咬口。♦️豬顎骨肉串呢個係比較少見嘅部位，所以嗌咗一串，豬肉嘅味道又出奇地濃郁。♦️豬大腸串個人幾鍾意呢個豬大腸，因為冇內臟味之餘，
前菜
♦️蒜香番茄
呢個前菜用上新鮮嘅材料，簡單嘅醬汁，酸酸甜甜幾開胃🍅
♦️黃金魷魚
呢個黃金魷魚份量都幾多，有黃色嘅魚子同埋魷魚條，魷魚嘅味道都幾香🦑 半價真係勁抵食呀。
刺身盛合五款
呢一個刺身盛有三文魚、油甘魚、赤蝦、帆立貝同埋勁鮮甜嘅北海道海膽。刺身質素都唔錯，食落口唔腥又夠鮮味🐟
鱈魚乾
呢個小食送酒一流，餐廳先將鱈魚乾烘乾，再配上日式嘅蛋黃醬，加少少七味粉調味，已經令人上癮食唔停口🤣 又係半價小食！
串燒
串燒方面，今次嗌咗好多款豬肉，因為友人唔食牛😮 估唔到淨係豬都有咁多選擇😆
♦️波棒糖豬腩肉串
一串都超有份量，拎上手都幾重，餐廳將豬腩肉捲成圓形，呢個方法嘅豬腩肥瘦比例更加均勻，食落口唔會太膩🍭
♦️西班牙產黑豚肩肉串
肉質較實淨，但又唔會太乾身變韌。
♦️西班牙產黑豚豬頸肉串
呢個油脂感滿滿，食落口好juicy😗
♦️西班牙產夾心肉
肉質都係較實淨，食落口有咬口。
♦️豬顎骨肉串
呢個係比較少見嘅部位，所以嗌咗一串，豬肉嘅味道又出奇地濃郁。
♦️豬大腸串
個人幾鍾意呢個豬大腸，因為冇內臟味之餘，肥膏嘅部份都唔係太多，輕輕燒過後嘅脂肪係入口即融😚
♦️豚肉芫荽卷
芫荽控應該會鍾意，因為芫荽嘅味道好出🌿 加埋半肥瘦嘅豚肉，又可以解膩。
♦️焦糖玉子燒
輕綿綿嘅玉子燒面頭加咗層焦糖，兩重口感一齊食幾特別🥚
芝士明太子長芋
冇諗過餐廳可以將長芋呢種健康食物整到咁啱我口味🤣 面頭加咗明太子同埋芝士，都幾惹味🧀
飲品
♦️Suntory生啤
嚟到呢啲串燒店或者居酒屋，最鍾意就係同朋友飲番杯酒高興吓😆 餐廳都有好多酒可以選擇，不過我就對生啤情有獨鍾🍻
♦️柚子檸檬酒
朋友就嗌咗一杯幾Fresh嘅柚子檸檬酒，入口唔會好酸，係一杯女仔覺得好易入口嘅酒🍋
呢餐食咗咁多豬串燒，令我對豬串燒會好韌好難咬嘅印象改觀 。餐廳部分串燒有兩串優惠，快啲約埋朋友嚟開餐啦😗
Post
