Video
Read full review
2023-03-31
603 views
📍Tsuzuku (銅鑼灣)銅鑼灣希雲街33號地舖今日嚟咗銅鑼灣嘅一間咖啡店，佢日系既風格令成個環境好舒服，感覺好似遠離咗都市咁，可以自己一個放鬆下。而且仲有outing位置，可以帶埋毛孩一齊黎chill下❤️食物方面選擇都唔少，可惜嘅係有d已經賣哂。最後我叫咗 松葉蟹燉蕃茄醬小麥、吉列慢煮豚肉三文治、草莓黑糖白玉配紅豆慕絲和焙茶鮮奶。松葉蟹燉蕃茄醬小麥 $148評分：🌕🌕🌕🌕🌑評語：小麥食落去個感覺好健康，同微酸的蕃茄醬夾埋一齊，成個事好清新。咬落去唔會覺得難入口，啱哂食得健康既人！再加埋放喺上面既松葉蟹，煮既時間啱啱好，令佢保持咗鮮甜的口感，一啖小麥一啖松葉蟹，正！吉列慢煮豚肉三文治 $138評分：🌕🌕🌕🌕🌗評語：吉列但係入面嘅豬肉煮得非常好，完全唔係平時食到吉列豬排果種豬肉既感覺，好嫩滑。加上蘿蔔漬物同麵包既搭配，食落去完全冇果陣飽飽滯滯嘅油膩感，推介！草莓黑糖白玉配紅豆慕絲 $98評分：🌕🌕🌕🌕🌗評語：呢個甜品係餐牌見到忍唔住好想食，食落果然冇令我失望！士多啤梨係嚟自日本，好清甜，唔會有酸既味道。黑糖白玉既甜度啱啱好，唔會係死甜果種，超好食！紅豆慕絲紅豆味好濃郁。三樣嘢加埋一齊十
銅鑼灣希雲街33號地舖
今日嚟咗銅鑼灣嘅一間咖啡店，佢日系既風格令成個環境好舒服，感覺好似遠離咗都市咁，可以自己一個放鬆下。而且仲有outing位置，可以帶埋毛孩一齊黎chill下❤️
食物方面選擇都唔少，可惜嘅係有d已經賣哂。最後我叫咗 松葉蟹燉蕃茄醬小麥、吉列慢煮豚肉三文治、草莓黑糖白玉配紅豆慕絲和焙茶鮮奶。
松葉蟹燉蕃茄醬小麥 $148
評分：🌕🌕🌕🌕🌑
評語：小麥食落去個感覺好健康，同微酸的蕃茄醬夾埋一齊，成個事好清新。咬落去唔會覺得難入口，啱哂食得健康既人！再加埋放喺上面既松葉蟹，煮既時間啱啱好，令佢保持咗鮮甜的口感，一啖小麥一啖松葉蟹，正！
吉列慢煮豚肉三文治 $138
評分：🌕🌕🌕🌕🌗
評語：吉列但係入面嘅豬肉煮得非常好，完全唔係平時食到吉列豬排果種豬肉既感覺，好嫩滑。加上蘿蔔漬物同麵包既搭配，食落去完全冇果陣飽飽滯滯嘅油膩感，推介！
草莓黑糖白玉配紅豆慕絲 $98
評分：🌕🌕🌕🌕🌗
評語：呢個甜品係餐牌見到忍唔住好想食，食落果然冇令我失望！士多啤梨係嚟自日本，好清甜，唔會有酸既味道。黑糖白玉既甜度啱啱好，唔會係死甜果種，超好食！紅豆慕絲紅豆味好濃郁。三樣嘢加埋一齊十分夾，推介！
焙茶鮮奶 $55
評分：🌕🌕🌕🌕🌑
評語：飲落有濃郁嘅茶香同奶香，店員調配得啱啱好 👍
總結嚟講，這間咖啡店嘅嘢食好味，環境舒服，啱哂打卡！個人推薦吉列慢煮豚肉三文治和草莓黑糖白玉配紅豆慕絲，絕對值得一試。
Post
