Video
Read full review
2024-06-28
43 views
之前已經聽過朋友介紹呢間銅鑼灣西餐廳，位置好方便，好近銅鑼灣地鐵站。環境都非常熱鬧，仲有DJ喺現場播歌，周圍仲有好多有關音樂嘅佈置，好適合收工個陣同朋友黎chill下。當日餐廳職員同我地講餐廳做優惠，叫二人套餐就會送半份芝士龍蝦，最尾我同朋友就叫咗份二人套餐，質素都非常唔錯。 🍲 老海灣粟米周打蜆湯 & 意大利雜菜湯我同朋友各叫咗個白湯同紅湯，配料都非常豐富，好適合配埋面包一齊食。 🧄 香蒜牛油煮蜆蜆嘅份量非常多，味道鮮甜，仲要每一粒蜆肉都好大粒，仲有附送四塊脆卜卜嘅蒜蓉包。 🦞 芝士焗龍蝦(半隻)龍蝦嘅size都幾大隻，特別係佢隻鉗，仲要都多肉，配埋芝士一齊食，非常夾; 餐廳都好貼心，會預備埋濕紙巾俾我地。 🐟 煎三文魚配酸辣龍舌蘭忌廉汁三文魚嘅外皮煎得非常香脆，三文魚非常厚身，肉嫩多汁，再配埋酸辣龍舌蘭忌廉汁，味道更加惹味; 想更加開胃嘅，可以配蕃茄他他醬一齊食。 🥩 草飼澳洲肉眼牛扒（10安士）肉眼牛扒比想像中大件，五成嘅熟度岩岩好，牛扒肉質嫩滑，充滿油香同香濃嘅肉汁，再配埋海鹽一齊食，味道更豐富; 配菜都有好多種類，有烤薯仔、烤菇等，非常豐富。 🍮 精選甜品當晚嘅精選甜品係焦糖
🍲 老海灣粟米周打蜆湯 & 意大利雜菜湯
我同朋友各叫咗個白湯同紅湯，配料都非常豐富，好適合配埋面包一齊食。
🧄 香蒜牛油煮蜆
蜆嘅份量非常多，味道鮮甜，仲要每一粒蜆肉都好大粒，仲有附送四塊脆卜卜嘅蒜蓉包。
🦞 芝士焗龍蝦(半隻)
龍蝦嘅size都幾大隻，特別係佢隻鉗，仲要都多肉，配埋芝士一齊食，非常夾; 餐廳都好貼心，會預備埋濕紙巾俾我地。
🐟 煎三文魚配酸辣龍舌蘭忌廉汁
三文魚嘅外皮煎得非常香脆，三文魚非常厚身，肉嫩多汁，再配埋酸辣龍舌蘭忌廉汁，味道更加惹味; 想更加開胃嘅，可以配蕃茄他他醬一齊食。
🥩 草飼澳洲肉眼牛扒（10安士）
肉眼牛扒比想像中大件，五成嘅熟度岩岩好，牛扒肉質嫩滑，充滿油香同香濃嘅肉汁，再配埋海鹽一齊食，味道更豐富; 配菜都有好多種類，有烤薯仔、烤菇等，非常豐富。
🍮 精選甜品
當晚嘅精選甜品係焦糖燉蛋同紐約芝士蛋糕; 焦糖燉蛋上層嘅焦糖脆卜卜，燉蛋嘅口感非常滑溜，而紐約芝士蛋糕嘅口感非常厚實，芝士味亦都非常香濃。
🍹 飲品 (Fruity Blossom & Fresh Cucumber Ale)因為食咗好多海鮮同肉類，就叫咗兩杯比較fresh嘅mocktail解膩; Fruity Blossom比較重果味，仲有好多果肉，好似雜果賓治咁，而Fresh Cucumber Ale嘅味道非常清爽，都幾重黃瓜味。
Post
