Video
Read full review
2021-10-28
1866 views
意大利菜一向排係我最愛既西方菜式首位，對比法國菜呢類精緻重視視覺享受既菜式，我比較喜歡意大利菜飲食文化比較豐富同比較注重口味。Grappa’s Cellar 一向都係我餐廳口袋名單入面性價比幾高既一間意大利餐廳。餐廳之前開係中環既怡和大廈甚有歷史，結業之後最近呢年係銅鑼灣利園二期地庫重開，重開之後今晚搵到機會再去試一下。.新店比之前更大，接近有半層既範圍。餐廳分左酒吧區同下層既用餐區，仲有舞台週末有Live Band表演。裝修好有意大利風味，牆身掛意大利懷舊海報、風景、紅磚牆同紅啡色主調都令我懷念起去意大利旅行既日子。.菜單由意大利大廚設計，所以食到經典風味既意式風味。因為意菜出名份量出較多，所以兩個人都唔敢亂試太多野。聽從餐廳職員推薦，叫左兩個餐廳Signature既主食同一款有名氣既甜品同埋飲品，兩人份已經好足夠。.麵包籃一坐底服務員先放低一盤麵包籃配橄欖油同黑醋，淨係Starter既麵包都有四款不欺場。.Fettuccine Nere 💲168⭐️3.8/5雖然菜式係意大利文無中文餐牌，但好多華人服務員所以唔需要擔心。職員推薦必點墨魚汁意大利寬麵，眼見附近幾檯都有點到。呢份意大利麵
.
新店比之前更大，接近有半層既範圍。餐廳分左酒吧區同下層既用餐區，仲有舞台週末有Live Band表演。裝修好有意大利風味，牆身掛意大利懷舊海報、風景、紅磚牆同紅啡色主調都令我懷念起去意大利旅行既日子。
.
菜單由意大利大廚設計，所以食到經典風味既意式風味。因為意菜出名份量出較多，所以兩個人都唔敢亂試太多野。聽從餐廳職員推薦，叫左兩個餐廳Signature既主食同一款有名氣既甜品同埋飲品，兩人份已經好足夠。
.
麵包籃
一坐底服務員先放低一盤麵包籃配橄欖油同黑醋，淨係Starter既麵包都有四款不欺場。
.
Fettuccine Nere 💲168
⭐️3.8/5
雖然菜式係意大利文無中文餐牌，但好多華人服務員所以唔需要擔心。職員推薦必點墨魚汁意大利寬麵，眼見附近幾檯都有點到。呢份意大利麵用左新鮮自製既意大利寬麵配上自家製作既墨魚醬汁、新鮮大蝦同忌廉。比相像中香口同油膩，唔錯。
.
Gnocchi di Zucca e Patate 💲120
⭐️3.7/5
Gnocchi 其實係意大利傳統食物，口感好似宜家好興既芋圓，用薯仔同麵粉做成一粒粒既丸子狀作為主食。呢份Gnocchi主要用左南瓜同埋薯仔蓉去做，配料有意大利香腸同藍芝士。Gnocchi幾有咬口，醬汁既藍芝士味好重，口味濃厚，如果配埋紅酒甜酒一齊食風味應該更好。
.
Dolce Pizza (for sharing) 💲88
⭐️4/5
呢份Nutella朱古力醬甜薄餅餐廳建議分享比較好，因為作為甜版Pizza份量都唔細。幾喜歡佢地自家製既批底，幾香幾有咬口。Nutella醬都係我喜歡既甜品醬之一。不錯!
.
Pussy Foot 💲38
Lemon Lime Bitter 💲38
呢到重大賣點之一係酒類飲品非常超值，Cocktail一杯只係$58，Mocktail 只係$38，仲平過係連鎖店一杯咖啡。連續飲好多杯都唔會肉痛。Pussy Foot 打卡靚好味，Lemon Lime Bitter 偏向酸甜。可惜今日朋友仲要駕駛只可以叫Mocktail，下次有機會再試。
.
總結：餐廳地方就腳闊落，食物有質素價錢絕對合理性價比高，服務殷勤。假期有Live Band，極適合同一班朋友食飯傾計消遣，淨係叫個小食飲杯野都好抵。
.
不專業食評 nei.foodie
Fettuccine Nere
$168
45 views
0 likes
0 comments
Pussy Foot
$38
28 views
0 likes
0 comments
Fettuccine Nere
$168
16 views
1 likes
0 comments
Gnocchi di Zucca e Patate
$120
36 views
0 likes
0 comments
Dolce Pizza
$88
23 views
0 likes
0 comments
Post
