榮記(東成)飯店

Open Now

Now Closed

去到鵝頸橋街市熟食中心，幫襯榮記海鮮飯店，依到無靚嘅裝潢，畢竟唔係每間餐廳都會好似ABC Kitchen 係熟食中心都會執到靚靚，呢度只係想提供一個平價俾大家食野地方，而佢真係做到，而且食物質素唔差。五人行叫咗好多野，椒鹽魷魚鬚，黃金鮮魷，羊腩煲，炸大腸x2，雜燴炒麵，啫啫芥蘭，椒鹽沙鎚。煎炸野出色，炸粉不會太厚，剛剛好包住食物，當中首推，椒鹽沙鎚，魚仔細細，入口香脆，肉鮮嫩而不鬆散。炸大腸同樣出色，呢度會將將多餘嘅肥膏移除，入口香脆，乾身不油，good另外值得一題既係羊腩煲，呢個羊腩煲絕對誠意之作。先講用料，多到食唔晒既羊，雖然味道一般但絕對誠意搭救。結帳，700蚊5個人飲埋啤酒，抵！榮記或者未必係你食過最好味嘅大排檔，但佢絕對係銅鑼灣其中一個深宵食堂嘅好選擇。