名館 (希慎廣場) (Closed)

依間中菜館環境寬闊開揚，設計典雅時尚，以湖水綠色座位配搭雲石枱，仲設有窗邊bar枱位。餐廳主打新派又多元化既中菜點心，不但賣相精緻，質素都唔錯呢～❀ 糖心黑蒜海底椰豬展湯 🍲用小茶壺裝住湯，黑蒜味突出，味道香濃，飲得出係落足料！❀ 桂花鐵棍淮山 🌼淮山好爽脆，充滿桂花香，冰涼香甜❀ 銀湖天鵝酥 🦢天鵝造型既點心原來係紫薯酥～酥皮好酥脆，入面包住滿滿既紫薯餡，甜而不膩❀ 黑松露野菌冬菇包 🍄以冬菇造型製成既素包，用料豐富，有黑松露、冬菇、紅蘿蔔、粟米及翠玉瓜粒，睇得又食得❀ 石鍋鮑魚炆雞 🐥用石鍋上枱，所以熱辣辣～有好多件雞肉，肉質好嫩滑又入味，而且仲有好多粒迷你鮑魚、三色椒及西芹，整體炆得好惹味，亦唔會太鹹，好啱送飯食❀ 花膠海皇魚翅撈飯 🍚依款魚翅撈飯賣相好特別，以特色小火爐盛載住海皇羹，中間有一大個金黃色既炸飯球，外層係脆口焦香既飯焦，而內層係軟腍既米飯。整開炸飯球，飯粒浸滿海皇羹既精華，伴隨住大量花膠、海蔘及魚翅，真材實料，食落有滿滿既骨膠原，口感好豐富呢～