Video
Read full review
2021-11-16
39 views
一門 (銅鑼灣)距離銅鑼灣地鐵站好近，好容易就搵到。門口已經睇到裝修好有日本風格，有獨立房同bar枱。我哋平日6:30唔算多人，但七點左右已經滿左半。餐牌選擇都好多，基本日式菜式都有，今日都試咗一門嘅招牌菜。。🌟Deluxe sashimi 刺身盛盒（五款） $420睇賣相已經好吸引，有油甘魚腩、帶子、甜蝦配三文魚籽、吞拿魚。每款都好新鮮又鮮甜，而且仲係厚切，食落更加滿足，油甘魚腩比平時嘅更肥美。。🌟拖羅蓉海膽 食完都念念不忘嘅壽司，喺拖羅蓉上面放咗海膽。海膽鮮甜又creamy，加少少豉油就好好食。。🌟Toyo roll 東洋卷 $72好特別嘅一個卷，平時食嘅日式卷物都係紫菜包飯，今次呢款係用pancake皮包住鰻魚、蟹子同牛油果。Pancake皮薄有少少甜味，鰻魚帶點鹹所以夠味，牛油果夠熟好香，個配搭好食。。🌟Fried salmon belly炸三文魚腩條 $88係將三文魚腩切條攞去炸，不過唔知係咪渣得太耐，咬落都偏硬，雖然味道係唔錯。🌟Omelette 厚燒玉子 $60店員話呢款係招牌菜，有少少甜，個蛋好滑好濕潤，下次可以試吓其他款式。🌟Crab rice 蟹肉石頭燒飯 $16
一門 (銅鑼灣)
距離銅鑼灣地鐵站好近，好容易就搵到。門口已經睇到裝修好有日本風格，有獨立房同bar枱。我哋平日6:30唔算多人，但七點左右已經滿左半。餐牌選擇都好多，基本日式菜式都有，今日都試咗一門嘅招牌菜。
。
🌟Deluxe sashimi 刺身盛盒（五款） $420
睇賣相已經好吸引，有油甘魚腩、帶子、甜蝦配三文魚籽、吞拿魚。每款都好新鮮又鮮甜，而且仲係厚切，食落更加滿足，油甘魚腩比平時嘅更肥美。
。
🌟拖羅蓉海膽
食完都念念不忘嘅壽司，喺拖羅蓉上面放咗海膽。海膽鮮甜又creamy，加少少豉油就好好食。
。
🌟Toyo roll 東洋卷 $72
好特別嘅一個卷，平時食嘅日式卷物都係紫菜包飯，今次呢款係用pancake皮包住鰻魚、蟹子同牛油果。Pancake皮薄有少少甜味，鰻魚帶點鹹所以夠味，牛油果夠熟好香，個配搭好食。
。
🌟Fried salmon belly炸三文魚腩條 $88
係將三文魚腩切條攞去炸，不過唔知係咪渣得太耐，咬落都偏硬，雖然味道係唔錯
。
🌟Omelette 厚燒玉子 $60
店員話呢款係招牌菜，有少少甜，個蛋好滑好濕潤，下次可以試吓其他款式
。
🌟Crab rice 蟹肉石頭燒飯 $168
店員拎到嚟之後會幫你撈，有蟹肉、蟹膏、蝦、帶子、蔬菜、雜菌。因為個石頭鍋仲係熱嘅，所以會有啲飯焦，個人幾鍾意食口感有少少脆。
。
🌟Honey kumquat honey 陳年柑桔蜜 $42
🌟Summer garden 藍莓茶$49
。
📍銅鑼灣軒尼詩道502號黃金廣場4樓
Post
