Video
Read full review
2020-11-29
505 views
黎開Time SQ行街都會係附近開餐，前陣子黎過金朝陽一樓既越式餐廳，今次轉攻同層另一邊廂既新派粵菜。點餐前先黎茗茶一下，呢度既茶種選擇多，每人仲可以揀唔同口味添！有我最鍾情既荔枝紅茶，另一款就叫左玄米綠茶。創新意念之中都離不開水滾茶靚既堅持，茶葉放喺一支試管狀既玻璃隔器，盛水既茶壼就用左低温爉燭小爐火去保持熱度，自斟自飲慢慢享受一下喫茶樂！豬手豬腳冷盤小吃係迷你豬手豬腳，伴左多種配料有薑、蒜粒、醋汁調制成微酸帶濃香味道，入口好冰爽唔肥膩。夾起細細件唔會好骨感，方便易食之餘幾入味，仲有d青瓜蓮藕片可以伴埋一齊幾豐富。好中意呢款橙棍冬瓜冬瓜以方條狀切成，咬落爽口冇渣，浸透左微涼既橙汁，感覺香甜清新有自然果香，再加埋幼細橙皮絲鋪面一齊食更加甘口益胃！蒸品既點心以一盅兩件為主，倆口子每人一粒啱哂！蝦餃外層加入少少色彩睇起上黎幾Girly又冇咁沉悶，皮薄晶瑩有光澤不黏筷，內層包入豐厚餡料夠新鮮，蝦肉彈牙爽口，一粒都經已好滿足。蟹籽燒賣（2件) 綠色既外皮包裹住嫩滑多汁既豬肉，頂頭仲落左好多蟹籽，一啖咬開熱騰騰，鮮味尤其突出！另一款懷舊鵪鶉蛋燒賣，用左鵪鶉蛋，一粒白一粒黄造形圓圓地幾精緻，味道不
點餐前先黎茗茶一下，呢度既茶種選擇多，每人仲可以揀唔同口味添！
有我最鍾情既荔枝紅茶，另一款就叫左玄米綠茶。
創新意念之中都離不開水滾茶靚既堅持，
茶葉放喺一支試管狀既玻璃隔器，
盛水既茶壼就用左低温爉燭小爐火去保持熱度，自斟自飲慢慢享受一下喫茶樂！
豬手豬腳
冷盤小吃係迷你豬手豬腳，伴左多種配料有薑、蒜粒、醋汁調制成微酸帶濃香味道，入口好冰爽唔肥膩。夾起細細件唔會好骨感，方便易食之餘幾入味，仲有d青瓜蓮藕片可以伴埋一齊幾豐富。
豬手豬腳
5 views
0 likes
0 comments
好中意呢款橙棍冬瓜
冬瓜以方條狀切成，咬落爽口冇渣，浸透左微涼既橙汁，感覺香甜清新有自然果香，再加埋幼細橙皮絲鋪面一齊食更加甘口益胃！
橙棍冬瓜
7 views
0 likes
0 comments
蒸品既點心以一盅兩件為主，倆口子每人一粒啱哂！
蝦餃外層加入少少色彩睇起上黎幾Girly又冇咁沉悶，皮薄晶瑩有光澤不黏筷，內層包入豐厚餡料夠新鮮，蝦肉彈牙爽口，一粒都經已好滿足。
10 views
0 likes
0 comments
蟹籽燒賣（2件)
綠色既外皮包裹住嫩滑多汁既豬肉，頂頭仲落左好多蟹籽，一啖咬開熱騰騰，鮮味尤其突出！
另一款懷舊鵪鶉蛋燒賣，用左鵪鶉蛋，一粒白一粒黄造形圓圓地幾精緻，味道不單止含豬肉香，仲夾雜左清幽蛋香味，口感仲幾滑溜
舉手雞花（2件）
雞搥連骨先封入左惹味醬汁再香炸處理，面層灑左香口芝麻粒，咬開卜卜脆既橙紅外皮，裡頭雞肉尤其鮮嫩肉厚。
香茅墨魚（2件）
墨魚肉搓成棒狀再釀係一根香茅上，咬落爽彈鮮滑，每一啖都感受到芳香氣味滲透係魚肉之中，係一個不俗配搭。
老干媽炒雜菜
青嫩既雜菜配以老干媽辣椒醬炒，惹味得黎又唔會奪去菜嘅鮮甜味
海皇酸辣羹
海皇羹放入小手工玻璃碗之中，觀感賣相即刻提升左唔少。一匙羹既分量就經已包含蝦肉、豬紅、筍絲、木耳、椒絲、豆腐，味道方面堅挺得黎香辣感強勁，啖啖足晒料完全冇漿糊感，落肚仲幾暖胃。
椒鹽魷魚鬚
炸漿包住肥美既鱿魚鬚，外層金黄脆香，入口咸鮮肉質爽彈，可以附少少酸醋食減腻之餘又惹味
新加坡炒蘿蔔糕，成品有別於本地經常食到既蘿蔔糕，係一粒粒方狀形態，軟硬度岩岩好仲有鬆脆回彈既感覺，添加一點蛋花、葱粒加埋黑醬油出黎既味道又係另一番風味兒。
甜點都有兩款，分別係小樽仔綠茶布甸凍，上面加左D紅豆蓉，細細口食感覺涼快幼滑之中又含清新茶香。
另一款係香芒吉士炸包，外型做成心心樣子，似炸饅頭同拿破崙既混合體，灑上雪白輕盈既椰絲，中間夾層又有香滑淡黃既鮮芒果cream，味道口感不錯
Post
