明廚

同男朋友喺銅鑼灣行完街，估唔到宵夜時間係附近都食到精緻中菜 。油鹽焗香港火焰奄仔蟹(一隻) $588呢個真係好打卡嘅一道餸，侍應會即場係你面前點火，啲火都可以燒到一兩分鐘 。奄仔蟹切開咗一半放係好多粗鹽上面，用簡單嘅調味去保留蟹嘅鮮味 。蟹身有好多膏，燒過之後更加香口，而且隻蟹都幾大隻，都幾多肉 。脆皮新鮮牛腩 $138 牛腩肥瘦幾均勻，食完唔會痴牙 。牛腩外面嘅炸皮好薄身，我地唔係即時食個皮都仲係脆 。再加少少椒鹽係面，非常惹味，送酒一流！煙熏龍井少爺雞 (半隻) $298 半隻雞份量都幾多下，隻雞本身應該都好大隻，2個人食都非常足夠 。雞皮帶爽口同有啲煙熏味，雞肉緊緻 。食中菜梗係要飲返杯有氣嘅野，估唔到可樂係冰底上 ，啤酒更加係不可少 。