日喜樓 (Closed)

Lunch同同事去搵食，突然想食中菜，上網睇過日喜樓環境闊落，坐得舒服， 就去食個午餐😙午市都幾抵食，一般都係$90至$130左右，每款午餐都配前菜、點心及飲品，埋單時先知原來仲唔使加一😯 一點前離座仲有九折不過我哋趕唔切😂入到餐廳店員服務好好，即問我哋飲咩茶， 揀咗鐵觀音， 但茶味較清。前菜有木耳、肴肉、茄子等🍆 點心有紅油抄手🥟及煎餅， 都幾豐富☺️午餐揀咗蔥爆牛肉配白湯豬骨煨麵， 蔥爆牛肉炒得好香牛肉夠林， 白湯豬骨煨麵清清地配蔥爆牛肉就剛剛好😉另外叫咗油淋雞配擔擔麵，油淋雞分量都幾多，食落有啲似茶燻雞味道，唔算太滑， 但都ok😎 擔擔麵麵質幾好食，但相對地覺得偏辣🌶️🍜散叫咗四色小籠包，熱辣辣，皮較薄，唔錯。 有四款味道，但食落去分唔出係咩味😆餐飲仲可以揀紅棗茶，非常健康。 午餐唔使加一真係好抵食，而且好豐富😎讚！