金萊餐廳 (Closed)

正所謂辛苦搵嚟志在食，有時返完成日工之後真係餓到肚都扁埋，必須要食三餸一湯白飯🍚任裝🥲 前幾日等朋友銅鑼灣放工嘅時候見到呢一間餐廳，門面幾靚幾新淨應該係新開😇 睇Menu見有小炒晚飯套餐叫，都幾啱當時餓到暈嘅小編，仲有燒味添啊正😍三人套餐 配有例湯、白飯👍🏻由於實在太肚餓，小編同朋友兩個人都嗌咗一個3人套餐，喺menu part A, B, C 各揀一樣，part A大部分係蔬菜🥬，B我就有肉類或者蒸魚，煎魚選擇，C就係當日嘅例牌燒味😇小編嗌咗👉🏻椒絲腐乳通菜台式三杯雞例牌燒鵝通菜都幾大碟，食極都仲有，而且係用上腐乳嚟炒，小編最鍾意就係食腐乳通菜😎，腐乳同通菜超夾，好易入口，一流😍 三杯雞都好有驚喜😋 一上碟香噴噴唔使講，主要係佢個醬汁好味，甜得嚟唔係好漏，配上煎過嘅雞肉其實好入味，用黎撈飯就好好味喇😇當日嘅燒味係例牌燒鵝或者油雞😍小編揀咗燒鵝😇，估唔到例牌都咁大份，真心抵食👍🏻 皮脆同埋啖啖肉，一啲都唔韌仲好多肉汁！估唔到餐廳嘅隱藏食物居然係燒味，真心好食過好多主打燒味嘅茶餐廳👍🏻除咗食物質素高之外，其實餐廳環境都唔錯，不失為一個可以坐低傾吓偈嘅好地方✅ 餐廳有兩層高，闊落亦都坐得舒