燒烤堂 (Moved) New Location

今晚約左E dinner, 佢之前在旺角燒烤堂食過話又好食又抵食，原來銅鑼灣都有分店，好開心呀！餐廳裝修非常日系，燈光昏暗非常有氣氛，仿如置身在日本居酒屋。燒烤堂Menu選擇豐富，有秋季限定，日本無激素走地雞系列; 得意作; 燒烤堂起家風味; 太認真; 海鮮燒;居酒屋串物; 野菜燒; 穀物和麻辣系列等。桂花蜜糖凍蕃茄(份)$18~冰凍的蕃茄充滿蜜糖和桂花的香甜，好開胃。鹽燒牛舌腩$48~牛舌腩好厚，好腍好嫩滑，牛味濃郁，好正！麻辣黑豚肉韭菜卷$22~黑豚肉薄薄地，燒得外面有些焦香，卷住清甜的韮菜，加上麻辣的醬汁，非常惹味！蜜糖燒淮山$18~口感有少許似馬蹄，爽甜清新，第一次食圓形的淮山。鹽燒花竹蝦(隻)$36~好大隻，肉質爽脆彈牙， 鹽燒令花竹蝦更鮮甜美味！鹽燒白鱔$48~ 鱔皮燒得好香脆，肉質爽實，好有彈性，勁美味！芝士燒廣島蠔(隻)$46~鮮甜juicy的廣島蠔被半溶的芝士包裹住，口感特別，好正！沖繩黑糖燒菠蘿$18~面層有一層燒得香脆的焦糖，菠蘿好甜好juicy, 好好味呀！泰式鹽焗馬友魚$148~馬友肉質肥美，油潤多汁，非常嫩滑，還有香茅的香味，非常美味。