Video
Read full review
2020-10-07
298 views
星期六去咗銅鑼灣行街，見唔係好肚餓仔，想食碗湯粉，但又唔係米線嗰啲。行兩行行咗去丹麥餅店嗰頭，我會形容呢段位置都幾隱世，唔難去，但好少會無啦啦經過。不過捐窿捐罅覓食嘅我除外，咁就畀我發現咗間隱世🇻🇳越南餐廳「春嬌」。餐廳全面採用📱手機自助落單，都方便嘅。不過我成日覺得枱面都可以保留一套實體餐牌，咁樣朋友可以手指指討論食乜。又或者長者真係未必識用電子落單。越南粉係餐廳主打菜式🍜，另外仲有啲飯餐同小食提供。價錢唔算貴嘅，正正常常。我同呀媽一人叫咗一碗湯粉，再加一份小食，估唔到都咁飽飽🤤。留意番呢度嘅湯底係得一款牛湯，唔食牛者要注意！湯頭味道濃郁，但並唔渾濁或油膩，唔覺有落味精。青檸🍋同辣椒絲用兜額外分開上，兩樣都係必落項目。後者適可而止，前者對我嚟講，則多多無軀！春嬌火車頭湯檬($68)，識食一定係食火車頭🚄，即係雜錦咁解，但當然每間鋪都有啲分別。春嬌出品包括花膠、牛肉、牛腩同牛丸；麵底則有得揀河粉、檬粉或者金邊粉。如果有得揀檬粉，基本上我唔會有其它選擇，我鍾意檬粉口感夠滑，加上越南菜式以外好難食到。作為一碗正宗越南粉Pho，邊少得各式各樣嘅配料，包括金不換、 洋蔥、芫茜、蔥花、炸蒜以及芽
星期六去咗銅鑼灣行街，見唔係好肚餓仔，想食碗湯粉，但又唔係米線嗰啲。行兩行行咗去丹麥餅店嗰頭，我會形容呢段位置都幾隱世，唔難去，但好少會無啦啦經過。不過捐窿捐罅覓食嘅我除外，咁就畀我發現咗間隱世🇻🇳越南餐廳「春嬌」。
餐廳全面採用📱手機自助落單，都方便嘅。不過我成日覺得枱面都可以保留一套實體餐牌，咁樣朋友可以手指指討論食乜。又或者長者真係未必識用電子落單。
越南粉係餐廳主打菜式🍜，另外仲有啲飯餐同小食提供。價錢唔算貴嘅，正正常常。
我同呀媽一人叫咗一碗湯粉，再加一份小食，估唔到都咁飽飽🤤。留意番呢度嘅湯底係得一款牛湯，唔食牛者要注意！湯頭味道濃郁，但並唔渾濁或油膩，唔覺有落味精。青檸🍋同辣椒絲用兜額外分開上，兩樣都係必落項目。後者適可而止，前者對我嚟講，則多多無軀！
春嬌火車頭湯檬
$68
5 views
0 likes
0 comments
如果有得揀檬粉，基本上我唔會有其它選擇，我鍾意檬粉口感夠滑，加上越南菜式以外好難食到。作為一碗正宗越南粉Pho，邊少得各式各樣嘅配料，包括金不換、 洋蔥、芫茜、蔥花、炸蒜以及芽菜等；用App落單好處係邊樣唔啱食可以自行刪走佢😝。
牛配料當中，🐮牛肉片最出色，薄薄的有五至六片大大塊。牛肉唔係火鍋肥牛，肉嫩兼且牛味濃郁，無肥膏。牛腩正常，牛丸爽口，但略嫌得一粒唔夠喉。
牛河竟然無牛筋或者牛肚？因為餐廳用花膠取而代知！花膠仲要係超巨型的，相當有驚喜，食落好淋好軟，同牛湯亦都搭調，無違和感👍。
雞絲扎肉湯檬
$52
7 views
0 likes
0 comments
呀媽要咗雞絲扎肉湯檬($52)，餸料亦相當多，🐔雞絲扎肉嘅量同檬粉係一比一，幾乎餸多過麵！雞絲青靚白淨，肉質亦唔柴。題外話，麵量唔算多，女仔啱啱好，大食男仔就可能要加底。
香茅豬扒
$52
3 views
0 likes
0 comments
豬扒🐷煎得好香口，個人認為蜜汁味較香茅味重，偏甜，但幾啱我口味。豬扒肉身偏薄，不過以量取勝；口感亦非常鬆軟，但唔似落咗鬆肉粉，好好食。另外，小食仲搭配左兩粒甜薯仔。整體而言呢道菜式絕對值得一試！
飲品方面，我哋要咗龍眼冰同珍多冰(加配價$14)，午餐包咗茉莉花茶同龍眼冰，其他項目則要加錢。龍眼冰甜甜的，感覺幾清潤，我仲留意到餐廳嘅凍飲係唔加冰的，所以唔怕溶冰後會溝淡味道。至於珍多冰就例外，會有少量冰碎，配合番「冰」飲，🥥椰香味出，但綠色啫喱同紅豆則相對較少。
每枱枱面都有套以三色試管裝住嘅辣椒粉🌶️，口味分別係海鮮、蒜香同原味，前者味道最突出。不過我嗰枱無咗文字簡介，我係試完辣親先知佢係辣椒粉，哈哈。
環境方面，我覺得裝修幾有心思，用上越南草帽等特色物品作點綴，簡簡單單令人舒服😌。連燈罩都不驚意咁用上滕罩👒。
總括嚟講，春嬌小店幾唔錯，食物同環境令人滿意。唯一小小意見就係覺得小店可以推出一個小食拼盤🍢，就算索價貴啲，但可以一次過滿足幾個願望嘛。我哋今日食完三大塊豬扒就飽咗，都冇機會試埋其他小食。店員們超級好人，特別係講嘢好大聲嘅嗰位男店員叔叔，佢對待每枱客人都好似朋友咁呢，令人愉快😊。
Post
