豐鮪

Open Now

Now Closed

今日嚟到銅鑼灣想食日本嘢，嚟咗呢一間日式吞拿魚專門店。佢哋嘅餐牌唔多選擇，但係全部都有藍鰭吞拿魚，而且佢哋嘅吞拿魚蓉唔係平時出邊買嘅一包包，全部都係師傅自己手切。除咗丼飯之外，仲有佢哋自己設計嘅燒賣，充滿特色。而落單過程都非常方便，嘟一嘟枱面上面嘅QR code揀完食物，順便就可以喺手機度俾埋錢。每一個set都配有蟹膏茶碗蒸、沙律、麵豉湯，食完真係捧住個肚，超飽啊。夢之丼 呢個丼飯係有滿滿嘅唔同部份吞拿魚，包括大拖、中拖、赤身同吞拿魚蓉燒賣，滿足晒想食唔同部份嘅朋友。因為係吞拿魚專門店，所以佢嘅吞拿魚超級新鮮，每一啖食落都有好香香嘅油香味。每一個部份都有佢哋唔同嘅特色，有啲部份味道就較濃郁，有啲就較為清淡，但係都食到好香嘅吞拿魚味。帶子肉餅飯 聽個名好似食緊茶餐廳嘅肉餅飯咁，但係其實係吞拿魚蓉加帶子。因為吞拿魚蓉係師傅壽司，所以雖然係吞拿魚肉，但係都好有咬口，而且入口味道非常有鮮味呢！爆漿三文魚子籽燒賣 講到明爆漿，佢嘅三文魚籽份量真係好多，而且每粒咬落去都好爽口，加埋吞拿魚蓉細膩嘅口感，同埋面頭用大豆豆子造成嘅皮，感覺好有趣，而且口感好有層次。北海道帶子燒賣 而帶子方面，因為都係非常