Lúa (Closed)

銅鑼灣有一間裝修好靚嘅越南餐廳 裏面好多燈籠 環境好正 平時仲有駐場歌手係都表演 氣氛唔錯！今日都叫咗好幾款越南美食：⭐️生牛肉雜錦湯河裏面有牛肉牛丸肉料豐富 食到湯底冇咩味精 味道清甜幾舒服 加曬佢既配料就會更加清爽輕盈⭐️黃薑雞胸茴香葉捞檬撈檬我就食得多 但黃薑呢個配搭就第一次 味道都唔錯 特別係佢既雞幾好味 味道濃郁 加埋酸酸既羅伯絲 好開胃⭐️家鄉炒龍豆從來未食過呢種野食 見佢話越南直送就試一試 嘩好特別 口感好爽 再加上佢用酸甜既醬炒 好惹味⭐️班蘭布甸法包配自家製椰子雪糕呢個甜品我期待左好耐 網上見到賣相好吸引 再加上我好鍾意食班蘭味 呢個冇令人失望 法包香脆加上醬同雪糕 口感豐富味道好好 整體嚟講呢間餐廳嘢食唔錯 環境打卡都幾靚👍