榮記粉麵

Open Now

Now Closed

榮記既威力，係大到連大陸人落黎香港都要指定話去食。果晚個客就講到明話想食榮記。不過夜晚先黎食既我地，當然有Ｄ餸係無我叫啦。好似我至愛既豬紅，果晚已經Bye~~~~而我比柴灣工廠區既雜撈養壞左，出黎食正常車仔麵嗌餸係有選擇困難，尤其是係榮記有限你揀幾餸，多個料定食多啖麵，真係魚與熊掌。當晚最後揀油麵，配齋，墨魚頭，牛肚，蘿蔔，冬菇。寫呢Ｄ用Point form表達好啦。齋：相比之下較為麻麻之作，傾向似麵筋既口感而唔係生根既方向。墨魚頭：主要食佢口感，爽口同埋彈牙。冬菇＆牛肚：牛肚炆得夠淋，兩者對於食得清淡既朋友可能會覺得有Ｄ咸，我覺得味道入味入得岩岩好。蘿蔔：無渣，清甜，每次黎既鐵膽。而另外一個細節位，就係榮記用通菜做菜底，我覺得咁樣配粉麵食既口感比出面生菜更加好。