Fûhn (The L. Square) (Closed)

呢排除咗返工之外，就係做gym，連街都好少去，飯都好少出去食，今次因為個gym mate同我夜晚屋企都冇飯食，所以就決定一齊操完去食個晚飯。喺利舞台做完，周圍行吓，行到去銅鑼灣廣場附近，見到有間越南餐廳，見好耐都冇食過越南野，就一於去試吓啦！呢間餐廳叫Fûhn，餐廳細細，但係侍應就好熱情招待，並推介了是日特式菜單。我哋睇咗一陣，終於決定好食乜！我叫咗一個特式Fûhn飯，呢個飯大大個，入面有好多料，有香茅雞排配牛肉、燒豬頸肉、炸春卷、雞蛋同蔬菜。首先，個雞排外脆內軟，大大份，味道又啱啱好，好香香茅味；隻蛋係太陽蛋，非常有心思，春卷口感豐富，豬頸肉同牛肉都唔錯！我朋友就話想試真啲個雞排，所以佢就單點咗個香茅雞排飯，佢食完都讚不絕口！我哋之後再叫咗個二人份小食拼盤，有越式炸牛油雞翼、手打蝦餅、春卷，個牛油雞翼脆到好誇張，卜卜聲，我極度推薦比大家，另外個蝦餅非常爽口彈牙，好新鮮，食完返尋味呀！食到有啲口渴，我就叫咗個椰青，我朋友就叫咗個菠蘿梳打，非常滿足！我哋兩個食到超級飽，捧住個肚仔走！P.S. 呢度好貼心，會有膠袋比客人裝住個口罩