Video
Read full review
2023-02-26
32 views
呢間係位於銅鑼灣嘅花貝日本料理，佢哋嘅omakase出咗名CP值好高，呢次就嚟一試究竟。前菜由右至左分別係日本嘅番茄、櫻花蝦豆腐配麻醬、蟹肉配水雲。建議都係由右至左咁開始食，番茄清新酸甜，豆腐嫩滑，配埋麻醬同櫻花蝦，可以增加豆腐嘅味道層次，最後水雲帶點酸爽，可以突顯出蟹肉嘅鮮甜。刺身有牡丹蝦、帆立貝、黑鯥、間八同埋中拖羅牡丹蝦嫩滑鮮味，帆立貝爽口彈牙，黑鯥經過火炙，可以逼出更多魚油，令其油香更濃。間八亦可以稱為紅鰤魚，冬天正好係佢哋最肥美嘅時節，所以魚肉夠哂肥美，最後中拖羅，我自己會鍾情中拖羅嘅刺身，無大拖羅嘅油膩感。鰹魚用火炙輕烤，可以帶出魚肉本身的香氣和滋味，且中心部位仍是半生狀態，吃來入口即化。鰹魚、白子同埋鮑魚。鰹魚片經過炙烤，可以增添一份煙燻嘅香味。土佐啫喱配白子：鱈魚白子口感綿滑鮮味十足，配埋微酸嘅土佐啫喱就更加突出白子嘅鮮味。肝醬鮑魚：鮑魚用咗汁煮嘅方法處理，仲加埋鮑魚肝所做嘅肝醬同汁煮蘿蔔。鮑肉煮得好軟腍Q彈，蘸埋肝醬就有雙重鮑魚嘅滋味。土壺海鮮湯：入面嘅湯頭極為鮮甜，又夠熱辣辣，入面仲有多款嘅海鮮，足證其用料十足，有大蜆、蝦肉、魚肉等。網燒和牛：用嘅係極級A5飛驒牛，
前菜由右至左分別係日本嘅番茄、櫻花蝦豆腐配麻醬、蟹肉配水雲。建議都係由右至左咁開始食，番茄清新酸甜，豆腐嫩滑，配埋麻醬同櫻花蝦，可以增加豆腐嘅味道層次，最後水雲帶點酸爽，可以突顯出蟹肉嘅鮮甜。
刺身有牡丹蝦、帆立貝、黑鯥、間八同埋中拖羅
牡丹蝦嫩滑鮮味，帆立貝爽口彈牙，黑鯥經過火炙，可以逼出更多魚油，令其油香更濃。間八亦可以稱為紅鰤魚，冬天正好係佢哋最肥美嘅時節，所以魚肉夠哂肥美，最後中拖羅，我自己會鍾情中拖羅嘅刺身，無大拖羅嘅油膩感。
鰹魚用火炙輕烤，可以帶出魚肉本身的香氣和滋味，且中心部位仍是半生狀態，吃來入口即化。
鰹魚、白子同埋鮑魚。
鰹魚片經過炙烤，可以增添一份煙燻嘅香味。
土佐啫喱配白子：鱈魚白子口感綿滑鮮味十足，配埋微酸嘅土佐啫喱就更加突出白子嘅鮮味。
肝醬鮑魚：鮑魚用咗汁煮嘅方法處理，仲加埋鮑魚肝所做嘅肝醬同汁煮蘿蔔。鮑肉煮得好軟腍Q彈，蘸埋肝醬就有雙重鮑魚嘅滋味。
土壺海鮮湯：入面嘅湯頭極為鮮甜，又夠熱辣辣，入面仲有多款嘅海鮮，足證其用料十足，有大蜆、蝦肉、魚肉等。
網燒和牛：用嘅係極級A5飛驒牛，牛肉油脂分布均勻，做到入口即化嘅口感，而且醬汁嘅味道唔會搶走牛肉所帶嘅肉味。
海膽魚膠天婦羅：天婦羅你炸衣夠薄，亦都好香脆，外形做到好似卷物，但入面唔係用飯，而係用魚膠代替，所以食落更有口感。
壽司：
真鯛：爽口淡味嘅白身魚。
赤貝：爽脆嘅口感，加埋青檸汁嘅清新酸味，更能帶出其鮮味。
金目鯛：魚油香濃，配埋新鮮磨嘅柚子皮碎，可以中和一下魚油所帶嘅油膩感。
伊佐木：味道鮮甜，亦係較高脂肪含量嘅白身魚。
縞鰺：肉質細嫩爽口帶點油香。
平目：肉質鮮嫩，魚味較清淡，配埋經燒過嘅平目魚邊，令魚味變得更濃更香。
八角魚：因頭部呈八角形，所以稱為八角魚，味道極為鮮甜，配埋亦都好鮮味嘅魚子醬一齊食，鮮味十足。
小肌：呢款魚必須要用鹽同醋漬過，可算係江戶前壽司嘅代表魚。味道因醃漬而影響，我個人認為口度嘅醋漬係做到剛剛好，唔會搶走魚肉嘅鮮味，亦有醋酸嘅味道。
大拖羅：係拖羅中最肥美嘅部位，油香四溢，入口即化嘅口感，正好有壽司飯，可以中和一下其油膩感。
室根海膽：用嚟自北海道嘅室根海膽，師傅用香脆嘅紫菜將海膽包住，
江戶前玉子燒：雞蛋味濃郁，味道帶甜，口感嫩滑。
湯：係清雞湯，湯身無多餘嘅雞油，入口清爽，仲有一粒由師傳手打嘅免治雞肉丸，用料豐富，令口感都有多種嘅層次。
甜品：有兩款用綠茶做嘅甜品，分別係綠茶蕨餅同埋綠茶布甸，仲有靜岡蜜瓜。綠茶蕨餅配黑糖，香甜Q彈，布甸口感滑溜，兩者都布有濃郁嘅茶香，而靜岡縣嘅蜜瓜出名清甜，可以中和一下整頓飯嘅油膩感。
Post
