隨變火鍋

Open Now

Now Closed

今晚去咗銅鑼灣V Point食火鍋，餐廳喺23樓，望出去風景好好，服務亦好貼心，每張枱都有tempo同濕紙巾。先嚟一個前菜夫唱婦隨（金錢肚牛舌），金錢肚夠爽，好有咬口，牛舌牛味重，口感軟腍。咁啱撞正推廣，可以用優惠價叫象拔蚌刺身拼封門柳，非常抵食。象拔蚌鮮甜爽口，份量都好多。封門柳肉身軟腍，又夠重牛味。我哋叫咗麻辣湯底，好惹味。另外加咗好滑嘅鮮豆腐同好嫩嘅娃娃菜。當然唔少得麻辣湯底必配嘅萵筍，味道又夾又有助解辣。雖然已經叫咗微辣，不過朋友仍然頂唔順，叫咗杯凍檸茶。嚟到發現杯茶上面仲有隻用凍檸茶冰做嘅熊仔，好可愛，最緊要係杯茶唔怕溶咗會變淡！仲叫咗串燒鵪鶉蛋，細細粒好好食，用咗椒鹽調味。燒生蠔都好好肉好juicy。燒多春魚燒得好好，魚皮有焦香，而且魚身夠厚，魚春又有口感。燒白鱔燒到魚皮好脆好香口，白鱔好肥美，啖啖肉。