汐

Open Now

Now Closed

🍢 小食拼盤 （$68）小食拼盤有豆腐魚餅、蝦餅及芝士年糕；一上枱嘅時候熱辣辣仲聞到好香；蝦餅炸得香脆，而且蝦味重；芝士年糕好煙韌；豆腐魚餅好滑🌊 櫻花蝦清酒煮蜆（$98）估唔到蜆嘅份量有咁多，而且仲要粒粒都有肉；蜆無沙之餘仲好入味，蒜香味會比較重，如果清酒味濃返少少就完美喇🍝 天婦羅魷魚海鮮忌廉汁意粉（$148）天婦羅好出色，炸得香脆入味之餘炸粉漿好薄身；魷魚份量多，海鮮忌廉汁creamy，唯獨意粉腍身左少少（可能我偏好食彈牙嘅意粉🤣）🦀 蟹糕甲羅燒配蟹籽及三文魚籽（$138）蟹糕甲羅燒份量唔少，配上蟹籽，三文魚籽、青瓜，粟米同中華沙律，賣相已經好吸引；再加上少許豉油，撈埋一齊食，成個感覺比較清新；蟹糕甲羅燒嘅鮮味好出🩵 山梨縣蜜桃碟豆花鮮奶（$42）外形好似富士山，飲落口蜜桃味比較重，奶味比較淡、而且比櫻花果茶偏甜🌸 大阪櫻花果茶（$42）果茶其實係熱情果茶，表面撒上乾櫻花花瓣，味道偏淡同唔算甜，啱晒唔嗜甜嘅朋友🍋 檸檬茶檸檬茶同我地平時飲開嘅檸檬茶唔同，茶底無咁濃，比較清新🍰 精選甜品精選甜品係柚子蛋糕，蛋糕表面用左血橙乾、開心果仁同蜜糖脆米做裝飾，賣相睇得出係花咗心思，蛋糕食落