Dilliwale

Open Now

Now Closed

銅鑼灣不嬲都有好多好嘢食，今次就去咗食人生第一次食既印度菜。Dahi puri乳酪脆米球入邊食落有好多薯仔粒同埋有啲鷹嘴豆煮到好腍，加埋啲酸奶醬同另外一款酸酸甜甜嘅醬汁一齊食外脆內軟，口感豐富食到停唔到口，作為開胃前菜非常適合，必食之一。Butter chicken 咖喱充滿咗奶油嘅香味，另外加上咗蕃茄醬同牛油一齊煮口感比較香滑，雞肉食落都好嫩滑，非常適合第一次食印度咖喱嘅朋友。Mutton saagwala 另外嗌咗一款咖喱羊肉菠菜，用上咗大蒜生薑同埋菠菜加上唔同嘅香料去烹飪而成，羊肉煮到好腍入口都唔會有蘇味，非常推薦。整體嚟講餐廳環境令人舒適，而且位置非常容易搵添，加上侍應都非常之有禮貌值得一嚟，原來間餐廳最近仲做緊星期日buffet $198一位，下次可以約埋屋企人同朋友一齊食先！