本延鍋物

Open Now

Now Closed

餐廳位置在銅鑼灣，採用和式簡約既裝飾，木枱櫈、餐具都擺放得好整齊，一絲不苟，充份感受到餐廳既認真態度。晚市涮涮鍋有4款選擇，我揀左招牌本延特選黑毛和牛套餐及餐廳主打既壽喜燒湯底：呢度既壽喜燒係關東風，食法先把醬汁放入鍋裡煮成湯汁，再加入牛肉和蔬菜等食材。套餐除左高質既黑毛和牛，配料仲有豆腐、香菇、大蔥、芋絲、蘭王蛋同蔬菜併盤。日本產既熊本A5黑毛和牛肩脊，肉質細膩，如大理石紋般的油花，只需涮過熱湯一次，牛肉就會變得軟嫩又入口即化；沾上蘭王蛋液吃，口裡面充滿蛋香，又係另一番滋味。最後用爽滑彈牙既烏冬作呢餐既結尾，吸收晒壽喜燒同和牛既精華，讓肚子跟內心都大滿足。總結，餐廳食材高質，交通便利，店員服務細心，CP值高。