輝

Open Now

Now Closed

輝 Hika呢間係樓上嘅日式料理，喺銅鑼灣，環境好靚私隱度高嘅餐廳。一坐低會上咗一個燒鱈魚乾先，又香又脆好好食～1. 白飯魚刺身白飯魚好新鮮，晶瑩剔透，入口有啲似果凍。配咗一個薑蔥醬油，點嚟食非常清新。2. 洋風季節白身魚伴芥茉酢呢個魚嘅口感幾彈牙，肉質偏紮實有咬口，魚味濃郁鮮甜～配埋芥末酢，十分開胃，好快清碟🤣3. 松葉蟹肉炸海老卷呢個係好豪華嘅卷物，上面鋪咗飛魚籽同埋蟹肉，入面係包住勁厚肉嘅炸蝦，好少食卷入邊嘅蝦味可以咁濃～ 面頭嘅脆紫菜加埋炸蝦，口感非常之好，我覺得呢個係必食！4. 豚肉年糕卷 & 燒雞頸肉兩款串燒都燒得非常好，豚肉年糕嘅年糕非常煙靭，配埋豚肉，好新穎嘅配搭。雞頸肉爽脆得嚟好淋，兩款串燒調味都好足夠，唔會淨係得面頭有味～5. 玉子卷呢個玉子卷上到枱仲係出晒煙，熱得嚟入邊係非常之嫩，調味偏甜，入邊有鰹魚高湯，睇得出師傅手勢好好！6. 火炙A5和牛香蔥拌麵火炙咗嘅和牛表面微焦，入口即溶，好濃牛味嘅和牛。香蔥拌麵煙靭有咬口，配埋蔥同埋菇，成件事好幸福🥰7. 燒活海鰻配溫泉玉子丼即燒嘅活海鰻肉質非常彈牙，好重鰻味，充滿油脂，點埋個鰻魚汁非常好食，配埋溫泉蛋一齊撈飯，一絕