謙記火鍋

Open Now

Now Closed

銅鑼灣美食雲集，有時想揀返一個舒適啲嘅地方，最好就唔好咁多人啦，都唔係一件容易嘅事。咁岩搵到一間樓上鋪嘅火鍋店，坐得舒適，又唔會太多人太迫，最緊要佢嘅食材非常新鮮，好適合同朋友聚會傾偈一齊烚吓烚吓。我覺得打邊爐除咗湯底之外，調配嘅醬料都係非常之重要，最鍾意就係呢一種九宮格式嘅調味料，有芫荽、蔥、蒜蓉、沙茶醬、麻將、炸蒜、麻油、豉油、辣椒仔。鍾意食乜嘢就自己調嗰張出嚟，唔係間間嘅火鍋店都有齊呢九樣嘢㗎，麻油算係比較少有，但係其實四川嘅火鍋係會拎一罐罐嘅麻油放入醬料入面，食落去好似冇咁辣，仲會超級香濃。雞肉非常之嫩滑，魚片切得非常之厚身,亦都好新鮮。而豬肉丸同牛丸都係新鮮嘅手打出嚟,非常之有誠意啊!韭菜餃,應該都係師傅親手去包,你會食得出同冰鮮嘅感覺好唔同,最後就係蝦滑，大大碗,性價比超級高呀,我哋兩個人食好似嗌多咗少少，仲叫咗粉絲添...本身以為每一份嘅份量都會好少，點知比我哋想像中多，所以到最尾食到我哋兩個抱住個大肚腩離開，今餐食得好開心，我哋兩個人仲可以坐六人枱咁大嘅位置，坐得好舒服！會再幫襯㗎 （事實上，一個月後我的確又去咗食一次）