重房 (Moved) New Location

我上星期同男朋友去想食日本野，聽朋友介紹就去試咗銅鑼灣嘅重房。餐廳環境都唔錯，我哋叫咗omakase set。白子配酸汁，佢加埋蘿蔔泥同一味粉，個搭配唔錯幾好味。梭子魚撒芝麻碎，魚皮有燒過好食。之後嚟咗個岩手大船渡真蠔，新鮮得嚟就係一流！鮟鱇魚肝配黑七味粉，有啲獨特嘅味道。磯煮鮑魚加鮑魚肝汁，好濃郁好濃郁。我特別中意佢哋個生死戀，係一份好有層次嘅菜式，有燒拖羅、拖羅、紫蘇葉，兩塊炸紫菜再加埋啲柚子胡椒調味，真係好好食！燒吞拿魚下巴 燒得好脆好香，好滋味。蕃茄莎莎配海老，幾fresh 可以清一清味蕾三款壽司(帆立貝加青檸汁，愛侶魚配柚子皮，煙燻鰤魚)都唔錯。最後食咗海膽杯，海膽好鮮甜好好味，超級滿足！總括嚟講，重房嘅菜式味道唔錯，有啲創意嘅組合。如果你鍾意試下特別嘅日本菜，可以考慮去試下佢哋啦。