SABROSA

Open Now

Now Closed

之前上網見到好多人推介呢間西班牙餐廳，就轉登同朋友一齊去試下。餐廳嘅燈光偏暗，環境好有情調，加上坐得好舒服，好適合同朋友一齊聚會。🐷傳統西班牙烤乳豬 配慢煮蘋果蓉、些利酒烤豬汁👍👍乳豬上層嘅豬皮燒到好香脆，一咬就即刻聽到卜卜脆嘅聲，皮下嘅肉軟腍嫩滑，充滿油香，肉質腍到連切都唔洗切，再配埋蘋果蓉醬，味道帶少酸但好fresh，可以解膩。烤乳豬底鋪咗一塊酥脆嘅羽衣甘藍脆片，吸哂乳豬嘅油香味道，口感好似韓國海苔。🦀蟹膏釀西班牙飯👍一上枱就俾蟹膏嘅份量嚇親，鋪滿哂成個蟹蓋，上面仲有三文魚籽做點綴；蟹膏底下係西班牙炒飯，撈埋蟹膏一齊食，真係會忍唔住keep住係咁食。🥚 傳統西班牙蛋餅配風乾火腿👍呢間西班牙蛋餅嘅內餡有洋葱、馬鈴薯，蛋味好香濃，口感非常鬆軟，亦都好足料，每一啖都食到好多餡，再配埋風乾火腿，味道變得更加豐富。🍮傳統西班牙焦糖布丁👍👍雖然係焦糖布丁，但同我地平時食開Q彈嘅布丁好唔同，呢款嘅口感似雪凍咗嘅芝士蛋糕，其實佢就係壽司郎嘅卡達拉娜，但呢間嘅布丁比壽司郎版更加滑身，每一啖都食到好濃嘅焦糖味同蛋香。