籠太子點心專門店 (Closed)

宜家食點心都好少去茶樓，通常都會去呢類點心專門店。今日去開銅鑼灣，就試下食呢間「籠太子」，太子都有分店㗎。籠太子蝦餃皇 $31蝦餃皮薄且煙，蝦肉都大粒同好彈牙。鮮蝦燒賣皇 $16蝦餃同燒賣可以揀要兩粒，可以試多啲嘢。燒賣味道就同平時食到嘅差唔多，無咩特別。黑椒金錢肚 $31黑椒味濃郁，食落有啲辣。金錢肚大概有4-5件，而且都炆得好腍。另外，仲有啲烏冬係底。多汁小籠包 $26小籠包皮有啲厚，食落有啲硬。湯汁帶有啲酸味，而肉餡就會有啲薑味。流沙奶黃包 $25流沙包好鬆軟，奶黃餡都好香，而且有做到流心效果，唯一可以改善嘅係仲會食到比較大嘅鹹蛋黃粒粒。翡翠帶子腸 $31腸粉都幾滑，每一舊都會有兩至三粒小帶子，另仲有啲菜心粒。精選老火湯 $20是日老火湯係節瓜章魚煲豬骨，湯裡面有幾舊節瓜，但飲完反而仲口渴咗，感覺都有落啲味精。