富軒

Open Now

Now Closed

點心極之麻麻，勝在喺銅鑼灣地段中夠平，全部皆為長輩們常客。閒日早市10點幾黎到，非常熱鬧，仲要等位添，以為應該都唔錯，點知大失所望店員問要唔要搭枱，唔使等位，我見冇咩所謂就OK咗，點知一張枱搭三枱客，夠晒慳地方🫨仲要角落頭位冇冷氣，諗住換地方食架啦，一行出去店員就換咗張枱俾我哋😅😅um⋯⋯至於嘢食質素，可以話係普通之中嘅唔好食。腸粉皮太厚，燒賣裏面好多都係肥豬肉同麵粉，蝦餃亦都唔太新鮮。雞扎入面只有三款餸：豬皮、雞肉同蟹柳，完全係另一回事。樓面們的侍應態度都幾差下，可能太繁忙啦，但唔明呢個質素點解仲咁多長老們食🫣應該係因為夠晒平掛，買單每人都唔過百。