Video
Read full review
2023-03-10
66 views
📍Lúa (銅鑼灣) 之前經過嘅時間已經比佢嘅裝修佈置吸引到😍，今次終於到訪呢間人氣極高嘅越式餐廳 - Lúa~ 餐廳樓高2層，樓上閣樓掛上咗好多個色彩繽紛的燈籠🏮，好有氣氛好搶眼，啱晒打卡！不過今次冇提早預約所以冇得坐outdoor位，建議大家嚟嘅時候都要向餐廳book咗先！𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️越南三味 ($180)分別有落葉菜牛肉卷、甘蔗蝦串、甘蔗豬肉串，每款各二。3️⃣款嘅味道都好香，點埋佢哋跟嘅醬汁一齊食更加令味道層次有所昇華。當中我最鐘意甘蔗豬肉串，🐷豬味好香，值得一試！▪️生牛肉雜錦湯河 ($119)嚟到越南餐廳必食嘅越式湯河~ 🐮生牛肉好新鮮嫩口，牛味香濃，薄切易入口。另外仲會有牛丸、牛筋、牛腩等配料，👍每款都好出色好好味，好豐富！▪️黃薑雞胸茴香葉撈檬 ($119)黃薑醬汁味道好香💛，而且充滿椰香味，加上檬粉掛汁力強，食落淡淡都好香口！🥰雞胸肉嘅份量好多，而且一啲都唔會鞋同乾，仲同醬汁味道好夾！加上仲有花生碎、生菜等配料，食落口感層次豐富~ ▪️斑蘭布甸法包配自家製椰子雪糕 ($128)呢款甜品好推薦！🍞法包上枱嘅時候仲係熱辣辣嘅，佢嘅外層焗得好香脆，而內裏仍然保持煙韌
之前經過嘅時間已經比佢嘅裝修佈置吸引到😍，今次終於到訪呢間人氣極高嘅越式餐廳 - Lúa~ 餐廳樓高2層，樓上閣樓掛上咗好多個色彩繽紛的燈籠🏮，好有氣氛好搶眼，啱晒打卡！不過今次冇提早預約所以冇得坐outdoor位，建議大家嚟嘅時候都要向餐廳book咗先！
𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:
▪️越南三味 ($180)
分別有落葉菜牛肉卷、甘蔗蝦串、甘蔗豬肉串，每款各二。3️⃣款嘅味道都好香，點埋佢哋跟嘅醬汁一齊食更加令味道層次有所昇華。當中我最鐘意甘蔗豬肉串，🐷豬味好香，值得一試！
▪️生牛肉雜錦湯河 ($119)
嚟到越南餐廳必食嘅越式湯河~ 🐮生牛肉好新鮮嫩口，牛味香濃，薄切易入口。另外仲會有牛丸、牛筋、牛腩等配料，👍每款都好出色好好味，好豐富！
▪️黃薑雞胸茴香葉撈檬 ($119)
黃薑醬汁味道好香💛，而且充滿椰香味，加上檬粉掛汁力強，食落淡淡都好香口！🥰雞胸肉嘅份量好多，而且一啲都唔會鞋同乾，仲同醬汁味道好夾！加上仲有花生碎、生菜等配料，食落口感層次豐富~
▪️斑蘭布甸法包配自家製椰子雪糕 ($128)
呢款甜品好推薦！🍞法包上枱嘅時候仲係熱辣辣嘅，佢嘅外層焗得好香脆，而內裏仍然保持煙韌，好出色~ 💚斑蘭布甸份量多，仲要有流心效果，食落好幼滑，味道香濃，甜度適中~ 另外仲配有椰子雪糕🍨同花生碎，一凍一熱，冰火交融，超滿足！
𝑨𝑫𝑫𝑹𝑬𝑺𝑺:
📍銅鑼灣東角道26號怡安大廈1樓13-15號舖及地下13-16號舖
Shop 13-16 , G/F & Shop 13-15, 1/F, Yee On Building, 26 East Point Road, Causeway Bay
Post
