Lúa (Closed)

每次經過銅鑼灣東角都會留意到有個餐廳露台掛滿越式燈籠，今次終於有機會去食啦！餐廳有戶外餐枱，又分了多區，岩晒唔同人數的客人去安排，非常貼心！ 天氣凍凍地，大佬嗌左「冬日限定❄️」的深海泥鯭酸辣湯煲，大大條泥鯭🐟，肉質厚實嫩滑，一D都唔腥。配菜亦相當多，仲要有「越南菠菜/木耳菜」之稱的潺菜🥬。不過辣度🌶️介乎小辣至中辣，怕辣的就要注意。✨冬日必點，好暖胃！ ⦁ 豬肉BB蝦炒碎米飯用上豬肉鬆、蝦毛🦐來炒飯，炒得非常乾身，粒粒分明！值得一讚伴碟的春卷同甘蔗豬串，春卷香脆，而甘蔗豬肉串咸甜適宜。 ⦁ 潘切直送小墨魚春撈檬由越南潘切市直送的小墨魚🦑，粒粒都好大隻，好新鮮。⚠️唯一要改善的是醬汁可以多番少少。 ⦁ 金枕頭榴槤芭菲配荔枝雪糕尼杯甜品🍧每層都有驚喜，首先最高有塊酥脆的蝴蝶酥🥨、勁濃味的荔枝雪糕🍦、咸咸地的玉米片，咸甜的味道超級夾。第二層用上自家制的荔枝班蘭蒟蒻，淡淡的班蘭味帶有荔枝香味，非常特別。第三層亦係我同大佬最喜歡的一層😍😍用上泰國榴蓮肉去整成的榴槤芭菲🍨配埋香濃細滑的榴槤忌廉，有冰凍的感覺，仲保留啖啖榴槤肉的質感。最底一層就係寒天晶球，口感不錯！