麵館皇

Open Now

Now Closed

「麵館皇」已屹立香港30年，現時已經由第二代經營，主打藥膳湯底刀削麵，並提供十多款主食配搭，有口水雞、醉雞、落湯雞、豬軟骨、鎮江骨、牛頸脊、獅子頭、雞扒、麻辣豬肚豬耳等等，藥膳湯底入口齒頰留香，養生又美味😋咖喱雞扒刀削麵刀削麵口感較為煙靭，不規則嘅麵條較有嚼勁，以砂鍋原煲上，上枱時仲係熱氣騰騰，天氣凍凍地飲返啖藥膳湯非常暖胃，香脆金黃嘅雞扒配上咖喱汁，入口椰味香濃，底下加入生菜更為健康嘅配搭👍🏻鮮肉水餃拼粟米雲吞轉酸辣湯底水餃同雲吞粒粒都非常飽滿，餡料十足充滿肉汁，鮮肉水餃入口滿滿嘅豬肉餡料，鮮味可口，粟米雲吞皮夠薄，裡面包滿豬肉同粟粒，味道清爽而不膩，酸辣湯材料豐富，有大量豬紅、木耳同腐竹，酸酸辣辣零舍開胃醒神👍🏻蔥油餅加蛋蔥油餅酥脆鬆化，油酥嘅餅皮加入香蔥粒，特別香口，加上雞蛋一齊煎香令蔥油餅增添一份蛋香嘅味道，配上咖喱汁更加好食😋香酥炸小雲吞脆卜卜嘅小雲吞一啖一粒，每粒入面都包有豬肉餡，放入湯再浸一浸黎食，別有一番風味📍麵館皇 (銅鑼灣)銅鑼灣登龍街32號地舖人均消費：$100食物：⭐️⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐️⭐️