Wake Up

Open Now

Now Closed

慶祝結婚周年紀念，同老婆食左間新開的西餐廳香蒜雪花蟹肉手工意粉🍝 本身見佢其貌不揚，冇太大嘅期待。但入口佢嘅 suace 都幾surprising . 味道竟然有啲似合味道嘅海鮮味杯麵的湯底～感覺有啲懷舊熟悉，幾好味。menu 話係手工意粉，入口感覺都彈牙 al dente 以$118 嚟講，幾好。我哋兩個人share一個澳洲和牛扒餐，配薯菜—— 但其實原來係薯條。始終都係被唔開邪惡嘅嘢食。但係係即叫即炸入口係幾香脆，點埋蕃茄醬幾好。最後都係食晒。澳洲和牛扒🥩 好值得食，成塊扒冇瑕疵，七成熟好冧、好juicy. 上碟真係最原始鮮蘗、枱面有粉紅色岩鹽同埋黑椒俾你自己加味。今晚是套餐，可以加$32叫四隻水牛雞翼、佢嘅微辣程度係啱啱好、佢配搭埋意粉食就啱啱好。飲品飲咗玫瑰桂圓茶，玫瑰香味幾突出，甜度幾適中。