Video
Read full review
2009-10-15
52 views
8月28日, 我們的貼紙相日~ 秉承去年傳統~ 影完貼紙相之後去咗鋸扒!今晚我地揀咗金雀餐廳, 星期五晚飯時間, walk in等咗4,5個字有得入坐, 算好彩了! 不過等位嘅安排有d混亂, 又要企喺窄窄嘅門口位好迫又驚俾棟門撞, 金雀真係要改善一下…::: 南非鴕鳥餐 ::: $115跟餐的包烘得暖暖, 味道不錯. 羅宋湯勁濃勁多雜菜, 食到開晒胃!一直都想試鴕鳥肉好耐架啦!!! 而且鴕鳥肉比牛肉低脂低膽固醇~ 好似健康d~~~都係鐵板上, 不過鴕鳥肉就唔似得牛扒咁一大舊, 反而係好多塊細細件嘅肉組成~ 份量多得我估仲多過呀比份牛! 淋上蒜茸汁嘅鴕鳥肉香氣撲鼻已經十分吸引~ 食落仲近乎入口即融, 肉質極之嫩滑~ 味道比呀比的牛扒更香濃!! 真係好好好好味丫~ 強烈推介!!!d薯條夠晒大條炸得香脆~ 其他配菜如西蘭花蕃茄等都好大件. 由於太好味~ 我清咗板~::: 鐵板肉眼扒 ::: $102十分懷念有麵包粒喺面嘅忌廉湯, 果然金雀係老牌西餐廳~ 忌廉湯味道濃郁, 有d雞肉粒喺裏面唔會好齋, 水準以上~ 肉眼扒十分大份, 仲非常厚添! 咬落肉味豐富, 質地當然比鴕鳥肉韌, 但係肉眼有d
今晚我地揀咗金雀餐廳, 星期五晚飯時間, walk in等咗4,5個字有得入坐, 算好彩了! 不過等位嘅安排有d混亂, 又要企喺窄窄嘅門口位好迫又驚俾棟門撞, 金雀真係要改善一下…
::: 南非鴕鳥餐 ::: $115
跟餐的包烘得暖暖, 味道不錯. 羅宋湯勁濃勁多雜菜, 食到開晒胃!
一直都想試鴕鳥肉好耐架啦!!! 而且鴕鳥肉比牛肉低脂低膽固醇~ 好似健康d~~~都係鐵板上, 不過鴕鳥肉就唔似得牛扒咁一大舊, 反而係好多塊細細件嘅肉組成~ 份量多得我估仲多過呀比份牛! 淋上蒜茸汁嘅鴕鳥肉香氣撲鼻已經十分吸引~ 食落仲近乎入口即融, 肉質極之嫩滑~ 味道比呀比的牛扒更香濃!! 真係好好好好味丫~ 強烈推介!!!
d薯條夠晒大條炸得香脆~ 其他配菜如西蘭花蕃茄等都好大件. 由於太好味~ 我清咗板~
::: 鐵板肉眼扒 ::: $102
十分懷念有麵包粒喺面嘅忌廉湯, 果然金雀係老牌西餐廳~ 忌廉湯味道濃郁, 有d雞肉粒喺裏面唔會好齋, 水準以上~
肉眼扒十分大份, 仲非常厚添! 咬落肉味豐富, 質地當然比鴕鳥肉韌, 但係肉眼有d筋都唔會令到個扒太韌~ 黑椒汁反而味道唔夠濃, 但係剛好吊起肉眼扒嘅肉味~ 配菜如薯條, 西蘭花, 蘿蔔都唔錯, 食完真係十分飽!
成個銅鑼灣可以鋸扒的地方不少, 不過好似金雀咁有懷舊氣氛嘅都買少見少喇… 我嫌金鳳d扒太薄, 所以最愛的還是金雀! 今次試食鴕鳥肉感覺極之良好~ 真係好想快d去食多次!
Post
