Video
Read full review
2022-08-13
219 views
平時見到人推介已經好想去試, 咁啱朋友搵我食飯, 又有揸車就捉左佢去試!餐廳門外就有位可以免費泊車好方便! 我地揀左個肉蟹放題 - $418餐, 包括有生蠔, 扇貝, 鮑魚各1隻, 海中蝦2隻, 最正嘅係蜆及肉蟹，係可以任食!揀完餐後我地就出去水箱揀海鮮，呢度可以自己撈部份套餐指定可食嘅海鮮，睇中邊隻揀邊隻，好好玩又新鮮～揀完後就比師傅處理好就拎返比我地蒸😋😋餐廳職員好nice，好主動幫我地蒸煮枱面上嘅食物同埋介紹出面自助區可以拎醬料同埋可以夾時蔬，係任食嘅～等食物熟嘅過程中就可以食住套餐上包左嘅溫泉蛋同埋湯， 溫泉蛋煮得啱啱好同埋佢係用左日本蛋嚟整，一啖啜入口，好有蛋味同埋好嫩滑～正！🤤🤤而老火湯係椰子雞湯，飲落椰味超重，飲得出係落足料去煲同埋無落味精，超好飲！食到咁上下啲肉類都熟啦，職員幫我地先蒸左紅棗杞子蟲草花蒸雞，jumbo彷蟹柳同埋小籠包先，雞好滑好JUICY～然後就到主角海鮮啦～元貝有成隻手咁大隻；蝦又大隻又彈牙； 蠔好肥美飽滿； 蜆無沙； 鮑魚好新鮮； 估唔到任食嘅肉蟹都好肥嘟嘟，好多膏又好多肉～ 最最最緊要係全部海鮮都好新鮮又鮮甜！ 海鮮方面嘅質素實在令我好驚喜！😍😍食
平時見到人推介已經好想去試, 咁啱朋友搵我食飯, 又有揸車就捉左佢去試!
餐廳門外就有位可以免費泊車好方便!
我地揀左個肉蟹放題 - $418餐, 包括有生蠔, 扇貝, 鮑魚各1隻, 海中蝦2隻, 最正嘅係蜆及肉蟹，係可以任食!
揀完餐後我地就出去水箱揀海鮮，呢度可以自己撈部份套餐指定可食嘅海鮮，睇中邊隻揀邊隻，好好玩又新鮮～揀完後就比師傅處理好就拎返比我地蒸😋😋
餐廳職員好nice，好主動幫我地蒸煮枱面上嘅食物同埋介紹出面自助區可以拎醬料同埋可以夾時蔬，係任食嘅～等食物熟嘅過程中就可以食住套餐上包左嘅溫泉蛋同埋湯， 溫泉蛋煮得啱啱好同埋佢係用左日本蛋嚟整，一啖啜入口，好有蛋味同埋好嫩滑～正！🤤🤤而老火湯係椰子雞湯，飲落椰味超重，飲得出係落足料去煲同埋無落味精，超好飲！
食到咁上下啲肉類都熟啦，職員幫我地先蒸左紅棗杞子蟲草花蒸雞，jumbo彷蟹柳同埋小籠包先，雞好滑好JUICY～
然後就到主角海鮮啦～元貝有成隻手咁大隻；蝦又大隻又彈牙； 蠔好肥美飽滿； 蜆無沙； 鮑魚好新鮮； 估唔到任食嘅肉蟹都好肥嘟嘟，好多膏又好多肉～
最最最緊要係全部海鮮都好新鮮又鮮甜！ 海鮮方面嘅質素實在令我好驚喜！😍😍
食到差唔多，我哋就食個南瓜芋頭排骨粥底， 粥底吸收晒海鮮嘅精華， 唔使落調味料都已經好鮮甜美味～另外職員比左一兜炸脆脆我地送粥， 令到個粥更加香口有口感！
最後食埋個精美甜品， 我哋就捧住個肚走LU～ 今餐真係好豐富，食得超滿足呢～
最可惜今日唔係星期六日，睇唔到🎤live band表演～ 唯有等下次再嚟希望可以欣賞到～
Post
