廚意

Open Now

Now Closed

睇 open rice 見到呢間啲西班牙美食流晒口水就約朋友啲試，點知原來係早前一個 promote，而家完咗無得食啦 😭😭😭環境確實一流，夠清靜可以好好傾計，侍應態度好好，雖然山望出窗外無乜景，都都算舒服。我坐底煲劇等朋友差不多一小時，佢哋都無催促我，仲話我知有 wifi 👍👍另外臨走時我想去洗手間，由於盲妹無帶眼鏡，跟朋友 reconfirm 位置時個經理聽到我無帶眼鏡，就帶我到門口仲講清楚位置，攪到我有啲尷尬添 😅😅食物選擇唔算多，我哋叫咗 2 杯白酒，一個頭盤加 2 個主菜。西班牙八爪魚好好味，好爽口，唔靭。海鮮併盤係熱食，唔算大份，最有睇頭係龍蝦，其他有帶子，魷魚同蜆，好味。反而個燴鴨肉寛帶麵，無論味道跟口感，我感覺似 Lasagne 多啲，下次唔會再叫囉 🙈如果想揾個地方傾計又唔限時，呢度都可以考慮，希望佢哋個西班牙 promote 快啲 encore, 咁我就會嚟試