春禧堂台灣料理餐廳 (Moved) New Location

成日經過中港城，最近見有新台式Cafe開幕，鍾意台灣食品嘅我梗係唔會放過😆秋分鮮雞鍋～就黎入秋，不少餐廳最近喺料理上，都加入進補嘅材料。鮮雞鍋都幾足料，有雞件、白蘿蔔、雞髀菇、蟲草花，雞件雖然唔算嫩滑😝可能我煮得耐，勝在無雪味，而且湯底清甜，可以當老火湯咁飲哂。鹽酥雞排～大大件嘅雞排只係$38，金黃色嘅雞件夠香脆，而且都入味，配上台式椒鹽零舍香口！麻辣紅油水餃～用上自家制豬肉椰菜水餃，口味甜甜辣辣咁，個醬汁越食越開胃😝豬手飯定食~豬手又淰又入味，而且整得幾乾淨，豬皮唔會有毛毛，醬汁濃郁，睇得出煮咗唔少時間，推介❤️呢間餐廳CP值又幾高喎🙌🏻