拉麵太郎 (Closed)

係灣仔搵到呢間拉麵店，一入去有個男日本非常殷勤招待，就好似去左日本，佢地熱心服務。另外我鍾意呢間店嘅原因，就係佢收得呢個價錢，但俾得起質素同埋份量，拉麵嘅份量大，叉燒大大片，唔似某啲大名嘅店，成百蚊一碗拉麵，份量少又得2片肉仔。叫左個炸薯餅，炸得香脆又唔油，好味，推介！！炸餃子，皮薄，啖啖肉，足料～兩碗「太郎拉麵」，這裡主打豚骨湯底，果然是招牌及有驚喜的湯底。湯底濃厚，香濃而不油膩。叉燒入口軟綿，肉質嫩滑，肥瘦適中，仲要有埋流心蛋，紫菜，同好多木耳，好足料，非常抵食！！另外我地仲叫左個「牛丼」，牛肉超多片，肉汁仍很多。飯粒很大，咬落彈爽口，配埋牛肉汁味道超濃，是牛肉嘅精華，好味！！因為d牛太好食，所以encore多一個「牛肉盤」，真係好味，抵食！！