Video
Read full review
2010-06-10
27 views
生日飯局己經開始咗, 仲排得密密麻麻, 而家一得閑就要快手打稿, 唔係就會好快唔記得晒…<服務及環境>一行9 人被安排一間獨立房, 好啱我哋一班愛影相兼嘈既人, 可能早訂位關係啦, 非常意外. 房間又無最低消費, 而侍應不時入房侍候, 唯一唔好係冷氣好大<食物>首先講講食物種類, 其實散叫小炒款式唔多, 只得廿多款, 而其他種類就係小食, 翅類, 甜品等等, 我哋揀咗好耐先好勉強揀到10款小炒, 再加上 OPENRICE 食家推介或好味既食物都己經無出 lu… 另外所有餸菜都非常細碟, 基本上大家好似試食咁, 每人只得一件, 兩件或以上既機會好微…1) 石榴脆皮雞(半隻) ~ 雞好細隻, 平均每人分得2件, 雞無雞味, 但就食到陣陣石榴汁香味2) 香草芥末杏香蝦球 ~ 蝦無蝦味, 只係爽口彈牙, 好彩有汁搭夠還可以3) 濃湯鮮菌泡青蔬 ~ 份量好少, 賣相好唔吸引, 同大排檔相比係賣相一樣, 但價錢就貴一倍4) 家鄉茄子 ~ 賣相ok, 但由於我唔食茄子所以無得評5) 香草汁黃金脆魚扒 ~ 魚有魚味, 炸得香脆可口, 全晚最好味係呢個魚扒, 但只可惜得一
<服務及環境>
一行9 人被安排一間獨立房, 好啱我哋一班愛影相兼嘈既人, 可能早訂位關係啦, 非常意外. 房間又無最低消費, 而侍應不時入房侍候, 唯一唔好係冷氣好大
<食物>
首先講講食物種類, 其實散叫小炒款式唔多, 只得廿多款, 而其他種類就係小食, 翅類, 甜品等等, 我哋揀咗好耐先好勉強揀到10款小炒, 再加上 OPENRICE 食家推介或好味既食物都己經無出 lu… 另外所有餸菜都非常細碟, 基本上大家好似試食咁, 每人只得一件, 兩件或以上既機會好微…
1) 石榴脆皮雞(半隻) ~ 雞好細隻, 平均每人分得2件, 雞無雞味, 但就食到陣陣石榴汁香味
2) 香草芥末杏香蝦球 ~ 蝦無蝦味, 只係爽口彈牙, 好彩有汁搭夠還可以
3) 濃湯鮮菌泡青蔬 ~ 份量好少, 賣相好唔吸引, 同大排檔相比係賣相一樣, 但價錢就貴一倍
4) 家鄉茄子 ~ 賣相ok, 但由於我唔食茄子所以無得評
5) 香草汁黃金脆魚扒 ~ 魚有魚味, 炸得香脆可口, 全晚最好味係呢個魚扒, 但只可惜得一件食
6) 碧綠炒花姿珊瑚蚌 ~ 炒得好麻麻, 所有嘢都好似無味咁, 尤其係珊瑚蚌我既至愛
7) 鳳梨咕嚕豬圍巾 ~ size 適中, 汁唔太酸, 而肉就去骨兼炸得啱啱好, 極力推介
8) 百頁帶子片 ~ 一上枱就己經嗅到好香既豆腐味, 用少少豆豉做汁唔會太過搶, 配搭得好好
9) 玉盤鮮上素 ~ 賣相靚, 成個餸都清甜
10) 鍾家小炒皇 ~ 只得芽菜, 蔥同魷魚, 好失望好一般
整體嚟講: 唔抵食, 只係食環境
9人共消費 : $1000
Post
