甘飯館 (Closed)

皮蛋酸薑 （$12/位）甘飯館係鏞記老闆個仔開既，所以皮蛋酸薑就實有嫁啦。平時我個人就唔太鐘意食皮蛋，但呢個真係唔錯，個糖心做得好流心，而且佢個酸薑唔會過酸/甜，唔食皮蛋都值得一試。燒鵝 （$268半隻）佢既燒鵝皮好脆而且唔肥，啖啖肉，仲有佢個底有蠔油豆，啲舊式燒味鋪先會有，啲豆吸晒啲鵝汁，好味。個背脊位好滑，唔洗次次爭脾位啦。蟹燒茄子 （$108）呢個係令我最驚喜既菜式！茄子先沾粉炸過，外脆內軟又唔會好厚粉，再冧上蟹肉羹，真係超級好味！食完茄子，用返啲蟹肉羹撈飯真係一流。就算你唔鐘意食茄子，呢個菜式會令你對茄子改觀！