山地人越南法包專門店 (Closed)

我好鐘意食麵包架所以一直好想試下呢間野。放左學，有D肚餓。唔洗諗就黎左山地人喇～舖頭真係好細好細，去到的時候已經有一個女士坐係度（當初我以為佢食完就走，點知唔係），出面又有一對夫婦同個小朋友係度諗食咩又唔知外賣還是係度食....唉，我排佢地前面架，不過見佢有細路就讓下佢地啦。我對食炭的興趣唔大，之前見食評話個黑麥包又有D甜甜地，所以選擇左最普通的法包。Filling方面叫左我鐘情的肉鬆同雞肉，其實都有D唔識order，因為我唔知除左自選餡料之外，本身都包其他配料例如扎肉、蘿白絲、洋蔥等等。我唔要辣味同走青，order後等左好耐呀，有成十分鐘。正當我行黎行去的時候發現鋪頭旁邊的小商場都擺放左檯同椅，原來都係鋪頭既所以我就係度食喇～個包終於黎喇，分成兩半。好脆呀，又暖暖地，D肉鬆有少少甜，overall都幾好食，不過配料裡面有D生的蔥頭，我就唔係好鐘意，咩都食的男朋友竟然話唔好食。其實我覺得都食得過，如果係附近出沒既，都會再食既，特登既，就唔洗喇。