泰.夯蝦 (堅拿道西) (Closed)

爸爸好鐘意食海鮮，所以今次揾嘅呢個燒烤放題賣點係食生猛蝦。今次我哋一行四人去，但被安排的枱同爐具與兩人無別，都係得一個爐。稍為拎多少少野食，張枱已經滿咗，座位都幾迫唔太舒服。爐size細，而且火力唔夠猛，所以燒的時間頗長，四個人食咗半個鐘都好似冇野落肚。好彩呢到的有啲熟食拎。不過款式唔多，有台灣腸，炸物類， 泰式鳳爪等。但味道就好一般，炸物唔夠脆，唔夠熱。每位人客入痤都會送一份A4和牛，個牛真係好好食，可惜得一塊。其他丸類，肉串， 麵包，蔬菜，甜品都有啲，好普通唔特別講。呢到最值得食係海鮮類，可以燒扇貝、生蠔、 蜆同賣點生蝦。座位隔離就有大蝦缸，想食蝦就自己鉗佢上嚟，再放入冰桶，等佢雪暈後再網燒。生猛蝦口感的確彈牙好多。嚟呢到一定要瘋狂食蝦。扇貝，蜆，蠔夠鮮甜。不過殼類厚身，火力唔夠需要好多時間燒熟，所以真係要好有耐性。總括今次都算唔錯體驗，夠特別，鐘意瘋狂食蝦食海鮮嘅值得試下。其他食物款式同味道普通，拎食物位置好迫。呢到唔適合鐘意食肉獸朋友。職員間中都有幫啲客人開下蠔同教佢哋點燒蝦，有問顧客意見，態度都有善嘅。