榮峰餐廳

Open Now

Now Closed

今日放工唔想返屋企唯有周圍去附近行下碰下運氣，剛剛好見到榮峰餐廳，見到餐牌顯示既價錢係附近算係好有競爭力，所以即刻入去試試，最緊要新裝修環境是是正正。入去打開餐牌，有小炒，有鐵板，有湯麵，作為食肉獸，同埋一定要jer jer聲既我就梗係叫個鐵板先講。食鐵板梗係叫個雜扒餐配黑汁呢d標準配搭！跟住整多杯熱奶茶。不過呢個鐵板都係有餐湯+餐包，湯我就叫中湯，都係普通茶記例水級。無咩特別，不過就係青紅蘿蔔。餐包就配牛油，輕輕整熱，算係咁。到主菜到，自己淋上黑椒汁，個種jer jer聲真係令人振奮，上面有豬扒雞扒火腿腸仔，扒既份量對得住呢個價錢，肉質算好鬆軟。不過就知道落得好多鬆肉粉，值得一讚反而係薯菜。薯條炸得脆口，唔算太多鹽，d菜擺鐵板並無燒焦同過熟，呢真係有d神奇。