天寶鐵板燒 (Moved) New Location

餐廳新開張，剛巧在公司附近；當然要試一試啦。午餐set有平有貴，一般2、300至$1000幾兩位都有。由於未知質素如何，所以先試咗$300咁上下嘅餐先，如果好食，下次先食貴啲。先嚟一個沙律，正常嘅鵝肝加麵包，未煎前會俾你望吓影吓相先蝦好大隻、銀雪魚一件、蠔三粒；又喺未煮前俾你望吓影吓相先煎好嘅鵝肝：由於我同朋友叫兩個餐，然後撈亂食，所以塊鵝肝喺切開咗一半嘅size。好肥美，塊麵包吸晒鵝肝嘅油，好邪惡呀～～～銀雪魚塊皮煎到脆卜卜、蝦肉彈牙鮮甜一邊食一邊睇住師傅為你準備美食美國牛扒厚燒：餐可以揀薄燒、厚燒、A5和牛（當然唔同價錢啦）。由於小妹乃大胃王一名，薄燒實在驚會唔夠飽，於是揀咗厚燒。哩度係兩個餐嘅份量。煎完嘅牛扒放麵包上面，有脆卜卜嘅蒜片伴住食。牛肉好嫩、好多內汁，好好味。師傅話啲蒜頭都係由日本嚟㗎，無咗平時食開嘅少少苦澀味。煎蠔又係一絕，皮略焦，甘香到爆，咬開蠔味响口內爆發..... 好想食多幾隻......最後有個炒飯、麵豉湯。仲有少少炒雜菜唔記得咗影。炒飯炒到粒粒分明，可以填包個肚。最後，師傅好貼心咁問我哋夠唔夠飽（唔通俾佢睇穿咗我哋大胃王嘅身分？）。我哋兩個扁晒咀咁望住師傅，