Video
Read full review
2024-09-11
579 views
一排無食鐵板燒，來到三日月食返餐~朋友負責點，我負責食，一於撓埋雙手。火龍果雜菜沙律先上，新鮮嘅火龍果同埋雜菜，配上柚子汁，給人清新嘅感覺。前菜三點，煙燻雞肉，用上煙燻手法處理鮮嫩嘅雞肉，相得益彰。胡麻醬豆腐，滑滑嘅豆腐配上香口嘅麻醬，一啖就滑到肚裏。芥末八爪魚，為味蕾帶來一點刺激。日本廣島大生蠔，成隻手掌咁大嘅生蠔，濃濃嘅海水味，新鮮至極，配上酸汁同黑魚子，無論係賣相同味道都係極致。刺身有新鮮油甘魚，肥美嘅鮪魚，仲有配上黑魚子嘅魷魚刺身，只係得一片略嫌未夠喉呢。茶碗蒸上面嘅魚子為茶碗蒸帶嚟繽紛嘅色彩，蒸蛋加上鰹魚湯汁，令到蛋更有鮮味，底部竟然有木耳，層次分明。大大隻嘅澳洲野生黑邊鮑魚，鮑魚邊比較淋滑，中間肉嘅部份比較爽身，先食原味，跟住再沾上香草牛油蒜蓉汁，又是另一番風味，鮑魚乾味道較濃，建議最尾先食。鵝肝份量適中，師傅控制火候能力極佳，令到鵝肝香脆，油而不膩，配上18年嘅黑醋同香草汁，怎麼可能只得一件?再給我多一件吧。A4和牛同豚肉包住雜菇嚟煎，和牛肉質鮮嫩，牛味濃郁，豚肉卷金黃香脆，雜菇新鮮爽口，建議先食原味，之後可以試吓酸汁芝麻醬麵豉。櫻花蝦炒飯兩食，建議先食一半，留返一半加返
前菜三點，煙燻雞肉，用上煙燻手法處理鮮嫩嘅雞肉，相得益彰。胡麻醬豆腐，滑滑嘅豆腐配上香口嘅麻醬，一啖就滑到肚裏。芥末八爪魚，為味蕾帶來一點刺激。
日本廣島大生蠔，成隻手掌咁大嘅生蠔，濃濃嘅海水味，新鮮至極，配上酸汁同黑魚子，無論係賣相同味道都係極致。
刺身有新鮮油甘魚，肥美嘅鮪魚，仲有配上黑魚子嘅魷魚刺身，只係得一片略嫌未夠喉呢。
茶碗蒸上面嘅魚子為茶碗蒸帶嚟繽紛嘅色彩，蒸蛋加上鰹魚湯汁，令到蛋更有鮮味，底部竟然有木耳，層次分明。
大大隻嘅澳洲野生黑邊鮑魚，鮑魚邊比較淋滑，中間肉嘅部份比較爽身，先食原味，跟住再沾上香草牛油蒜蓉汁，又是另一番風味，鮑魚乾味道較濃，建議最尾先食。
鵝肝份量適中，師傅控制火候能力極佳，令到鵝肝香脆，油而不膩，配上18年嘅黑醋同香草汁，怎麼可能只得一件?再給我多一件吧。
A4和牛同豚肉包住雜菇嚟煎，和牛肉質鮮嫩，牛味濃郁，豚肉卷金黃香脆，雜菇新鮮爽口，建議先食原味，之後可以試吓酸汁芝麻醬麵豉。
櫻花蝦炒飯兩食，建議先食一半，留返一半加返鰹魚湯同埋Wasabi變茶漬飯，又是另一番風味。
甜品有白桃雪葩，白桃香氣為我肥美的肚皮畫上句號。
Post
