Video
Read full review
2023-02-07
202 views
一直都好想男朋友教我騎單車，由年頭講兩第二年頭，今日終於去咗大埔騎，只係騎了45分鐘，已經好累……其實男朋友跟住我走都一樣累，為咗多謝他，就同佢食喜歡嘅嘢。佢揀咗男人的浪漫，就係大排檔，哈！這間非一般的大排檔，環境整齊企理，分內外兩個地方，地方夠大，裡面仲有卡位，坐得幾舒服㗎，唔係我想像中的大排檔咁！選擇好多，有小食、鐵板、燒烤、炸物、小菜、時蔬、炒粉麵飯、燒味、滷水等等…真係唔知點揀，就由男朋友攪掂。嘩！蜜餞鱔球 （$168）賣相和味道好得，心機之作。每件都肉厚肥美，爽口鮮嫩，外層沾滿蜜汁，食落微脆香甜，味道剛剛好，不失魚油香，十個讚！我哋都超級喜歡。脆皮咕嚕豬頸肉 （$88）加了菠蘿、三色椒、紫洋蔥等，色彩豐富，見到都好開胃。豬頸肉啖啖肉，有少少肥膏，油潤得來又唔太肥，外脆內爽。醬汁包住全舊豬頸肉，酸酸甜甜，好醒胃！男朋友最愛的尖椒爆雙腸（ $88）出場，勁有鑊氣。青辣椒香辣惹味，我最鍾意；男朋友緊係最愛雙腸，有粉腸和豬大腸，兩款都洗得好乾淨，完全無臭味，又唔算好肥，味道辣辣地，佢食到唔停口。啫啫蝦乾唐生菜煲（$78.00）上枱時發出吱吱聲，鑊氣十足又好夠熱。唐生菜翠綠爽口，加咗不
佢揀咗男人的浪漫，就係大排檔，哈！這間非一般的大排檔，環境整齊企理，分內外兩個地方，地方夠大，裡面仲有卡位，坐得幾舒服㗎，唔係我想像中的大排檔咁！
選擇好多，有小食、鐵板、燒烤、炸物、小菜、時蔬、炒粉麵飯、燒味、滷水等等…真係唔知點揀，就由男朋友攪掂。
蜜餞鱔球
$168
34 views
0 likes
0 comments
嘩！蜜餞鱔球 （$168）賣相和味道好得，心機之作。每件都肉厚肥美，爽口鮮嫩，外層沾滿蜜汁，食落微脆香甜，味道剛剛好，不失魚油香，十個讚！我哋都超級喜歡。
脆皮咕嚕豬頸肉
$88
32 views
0 likes
0 comments
脆皮咕嚕豬頸肉 （$88）加了菠蘿、三色椒、紫洋蔥等，色彩豐富，見到都好開胃。豬頸肉啖啖肉，有少少肥膏，油潤得來又唔太肥，外脆內爽。醬汁包住全舊豬頸肉，酸酸甜甜，好醒胃！
尖椒爆雙腸
$88
20 views
0 likes
0 comments
男朋友最愛的尖椒爆雙腸（ $88）出場，勁有鑊氣。青辣椒香辣惹味，我最鍾意；男朋友緊係最愛雙腸，有粉腸和豬大腸，兩款都洗得好乾淨，完全無臭味，又唔算好肥，味道辣辣地，佢食到唔停口。
啫啫蝦乾唐生菜煲
$78
45 views
0 likes
0 comments
啫啫蝦乾唐生菜煲（$78.00）上枱時發出吱吱聲，鑊氣十足又好夠熱。唐生菜翠綠爽口，加咗不少肉碎和蝦乾，味道鹹鮮，用來送白飯一流！
Post
