百味鮮辣蟹專門店 (Closed)

突然好想食蟹。同屋企人去左百味鮮辣蟹專門店食餐好既。小食點左蒜香凍螺。話就話小食，但一點都唔細碟凍螺超爽口超新鮮！最正係佢唔韌又入味！肉類點了麵醬滑雞煲，雞肉幾嫩幾入味。食D菜啦，點左臘味炒菜芯。算幾多臘味，D菜「索」晒D臘味既香味，送飯一流啦～「送飯」首選﹣﹣台式皮蛋豆腐。豆腐好嫩滑，上面舖上肉鬆、溏心皮蛋蓉好鬆香美味。戲玉點左【薑葱肉蟹】。隻肉蟹勁大隻好重秤。而且佢的肉質好鮮甜，一絲一絲咁，一D都唔霉。成碟炒得好夠鑊氣～海鮮再加碼點左【豉椒炒蜆】。D蜆無沙係最抵讚。次次食親炒蜆都例牌有DD沙><!!今次隻隻都肥嘟嘟漲卜卜～攞貨靚，廚師又處理得好～豉椒落得夠所以幾惹味～