黃埔小廚 (Closed)

👩🏻喺黃埔搵到間正宗大排檔風味嘅港式餐廳！炒嘢好有鑊氣！🌟豉椒炒蟶子 時價蟶子勁大隻，好肥好厚肉。好正宗嘅豉椒調味，我鍾意佢唔會太鹹，唔會遮蓋咗蟶子本身嘅鮮味。🌟椒鹽鮮魷$108鮮魷嘅炸粉好薄，口感爽脆。鹹鹹香香送酒一流。🌟蜜汁欖骨豬扒$98 豬扒口感鬆軟，每件都均勻沾滿蜜汁、欖角碎、芝麻，味道香甜開胃，大人細路都鍾意。🌟鐵板黑椒牛仔骨$138牛仔骨肉質好腍，連筋膜位置都好易咬。黑椒汁係類似港式扒房配牛扒嗰種。🌟吹啤啤 — 早晨吹啤啤 — 蘋果西打呢度有本地嘅手工啤幾特別。蘋果西打好易入口啱晒女仔。早晨就清爽啲有陣citrus fruit嘅香味。