品味冰室

Open Now

Now Closed

今日約了朋友食Lunch，由於佢Lunch時間得1 小時，所以我就去了朋友公司附近餐廳等他。呢間餐廳坐位寬闊，門面光鮮，就決定入去食住等朋友啦。我見餐廳食物價錢都唔太貴，選擇又多，我最後決定叫午餐，蜜椒薯仔牛柳粒小菜客飯。原來佢係一碟餸，好似叫小菜咁，大大碟，賣相相當不錯，色香味俱全。一個人食，份量一定足夠。薯仔有咬口，唔會爛晒，甜甜哋，餸飯一流。牛柳粒炒得好有鑊氣，好入味，配上蜜汁，估唔到咁好味。白飯一大碗，小菜一大碟，味道又唔錯，加埋飲品都係六十幾蚊，講真，個小菜咁嘅質素，我覺得好抵食，所以我都叫朋友一齊叫呢個餐。朋友都大讚好食，話下次佢自己放Lunch 都會落去食。