Video
Read full review
2023-06-09
307 views
久違地黎到鑽石山，一於係商場睇吓有咩好食😋 結果搵到間坐得好舒服可以慢慢嘆，不過野食就麻麻嘅西餐廳「 𝘏𝘖𝘒𝘖 𝘍𝘢𝘳𝘮 」🤣餐廳有大部份座位都冇天花，空間感更加大，坐得零舍舒服，尤其喺梳化位😌 上菜亦係奇快，𝘞𝘪𝘵𝘩𝘪𝘯 15分鐘已經上齊！晚市分別有兩個二人套餐同兩個一人餐選擇，包晒餐湯、甜品同飲品，但係款式選擇唔算多，唯有散叫不過貴好多🥲 《 金沙薯條 》 $78 2.5 / 5失望🥲 聞落係有蛋黃味，但欠缺鹹香，食落同普通薯條差唔得幾多🙈 而且好快就唔脆～《 秘製日本海膽明太子醬忌廉鮮蝦闊條麵 》 $168 3 / 5好怕哩種碟大中間小嘅意粉，份量通常都係細😂 海膽明太子醬都咁白雪雪果然食落口完全搵唔到佢哋嘅蹤影……大概得番忌廉同芝士，質感好漿嘴，味道係不過不失～《 法式紅酒燴紐西蘭羊膝配薯蓉 》 $268 3 / 5大大隻羊膝上碟外觀效果幾好🤩肉都已經燴到自己識脫骨，未食已經𝘍𝘦𝘦𝘭到佢淋😆筋位幾入味但調味太咸，加上個薯蓉應該用粉開，攪唔勻仲有粉粒😓 整體只能比3分🙈總括嚟講服務同環境都不錯，如果以套餐價黎講就抵食嘅，不過味道只屬普通～———————————————🏠環境
餐廳有大部份座位都冇天花，空間感更加大，坐得零舍舒服，尤其喺梳化位😌 上菜亦係奇快，𝘞𝘪𝘵𝘩𝘪𝘯 15分鐘已經上齊！
晚市分別有兩個二人套餐同兩個一人餐選擇，包晒餐湯、甜品同飲品，但係款式選擇唔算多，唯有散叫不過貴好多🥲
《 金沙薯條 》 $78 2.5 / 5
失望🥲 聞落係有蛋黃味，但欠缺鹹香，食落同普通薯條差唔得幾多🙈 而且好快就唔脆～
《 秘製日本海膽明太子醬忌廉鮮蝦闊條麵 》 $168 3 / 5
好怕哩種碟大中間小嘅意粉，份量通常都係細😂 海膽明太子醬都咁白雪雪果然食落口完全搵唔到佢哋嘅蹤影……大概得番忌廉同芝士，質感好漿嘴，味道係不過不失～
《 法式紅酒燴紐西蘭羊膝配薯蓉 》 $268 3 / 5
大大隻羊膝上碟外觀效果幾好🤩肉都已經燴到自己識脫骨，未食已經𝘍𝘦𝘦𝘭到佢淋😆筋位幾入味但調味太咸，加上個薯蓉應該用粉開，攪唔勻仲有粉粒😓 整體只能比3分🙈
總括嚟講服務同環境都不錯，如果以套餐價黎講就抵食嘅，不過味道只屬普通～
———————————————
🏠環境舒適度：💛💛💛💛💛
👅舔脷回頭度：💛💛
📸打卡able度：💛💛💛
🙇🏻♀️服務滿意度 ：💛💛💛💛
———————————————
Post
