Video
Read full review
2024-09-22
571 views
Lounge Hakuba📍銅鑼灣謝斐道535號Tower 535 3樓302號舖位於銅鑼灣嘅Tower 535一向都以高質素、高品格。今次襯家姐返香港，我就約好大家嘅朋友，一行四人去撐下檯腳，慢慢傾吓偈。呢間餐廳環境有情調、氣氛極佳，食物選擇多樣，大家睇完有興趣記得bookmark！ 💰$650二人前套餐 👩🏻❤️👨🏻前菜 🥒芥辣八爪魚 🐙微辛嘅八爪魚醒胃非常，黏黏滑滑嘅質感同彈牙八爪魚形式強烈對比。炙燒北海道帆立貝 🐚兩片北海道帆立貝經炙燒後多咗一重焦香感，夾配小片檸檬，有清新提鮮嘅作用。帆立貝質感鮮嫩，味道清甜，不帶半點腥味。炙燒三文魚 🍣三文魚其中一面同樣經過炙燒，燒香魚油同魚脂，而另一面則保留刺身口感，整體口感具有層次感。逸品料理 🥣唐揚炸豆腐 🧈家姐全場最愛唐揚炸豆腐，豆腐口感滑溜，外皮炸得香脆，刨上清新嘅蘿蔔蓉，淋上秘製醬汁，外脆內嫩嘅口感令人回味無窮。甜甜辣辣炸雞 🍗滿有Fusion特色嘅甜辣炸雞採用日式唐揚風油炸雞件，再淋上韓式調味嘅甜辣醬，日韓風交融，味道頗有驚喜。太卷 🍱壽喜燒牛肉 🐄壽喜燒牛肉太卷選用較腍身嘅牛肉片卷成，壽喜燒醬汁濃香，愛牛人士必點。牛油果忌廉
📍銅鑼灣謝斐道535號Tower 535 3樓302號舖
位於銅鑼灣嘅Tower 535一向都以高質素、高品格。今次襯家姐返香港，我就約好大家嘅朋友，一行四人去撐下檯腳，慢慢傾吓偈。呢間餐廳環境有情調、氣氛極佳，食物選擇多樣，大家睇完有興趣記得bookmark！
[價錢 Price]
💰$650
二人前套餐 👩🏻❤️👨🏻
前菜 🥒
芥辣八爪魚 🐙
微辛嘅八爪魚醒胃非常，黏黏滑滑嘅質感同彈牙八爪魚形式強烈對比。
炙燒北海道帆立貝 🐚
兩片北海道帆立貝經炙燒後多咗一重焦香感，夾配小片檸檬，有清新提鮮嘅作用。帆立貝質感鮮嫩，味道清甜，不帶半點腥味。
炙燒三文魚 🍣
三文魚其中一面同樣經過炙燒，燒香魚油同魚脂，而另一面則保留刺身口感，整體口感具有層次感。
逸品料理 🥣
唐揚炸豆腐 🧈
家姐全場最愛唐揚炸豆腐，豆腐口感滑溜，外皮炸得香脆，刨上清新嘅蘿蔔蓉，淋上秘製醬汁，外脆內嫩嘅口感令人回味無窮。
甜甜辣辣炸雞 🍗
滿有Fusion特色嘅甜辣炸雞採用日式唐揚風油炸雞件，再淋上韓式調味嘅甜辣醬，日韓風交融，味道頗有驚喜。
太卷 🍱
壽喜燒牛肉 🐄
壽喜燒牛肉太卷選用較腍身嘅牛肉片卷成，壽喜燒醬汁濃香，愛牛人士必點。
牛油果忌廉芝士 🥑
素食朋友可選擇卷有牛油果cream cheese嘅太卷，內裏附有青瓜，格外清新可口。
串燒 🍢
明太子山藥 🍡
食肉獸以外嘅朋友可以揀呢款比較清淡健康嘅明太子山藥一試。山藥無特別調味，咬落只有自身嘅鮮甜味，唧上明太子醬燒香後，除多咗一份和風，更多咗一份鹹鮮味！
金菇肥牛卷 🥩
愛牛嘅朋友有福了，汁燒肥牛肉汁滿滿，金菇索盡肉味精華，再加黑白芝麻提升香氣，一口一件超滿足。
溏心蛋豚肉卷 🥚
必點串燒要數到溏心蛋豚肉卷，一串一隻溏心蛋，非常豪氣，再以油香四溢嘅豚肉片包裹在外，咬一啖就食到溏心蛋黃同豚肉嘅精髓，推介大家趁熱食！
主食 🍜
鰻魚炒飯 🥙
主食捨棄牛脊肉炒烏冬，選擇鰻魚炒飯確係明智！雖然睇落份量唔多，但3-4人分食都好足夠。饅魚中段位置比較少骨，啖啖肉令人食得放心，蒲燒汁濃稠惹味，配有紫菜絲更添滋味。廚師在意鰻魚汁拌炒珍珠米飯，令每粒米都被醬汁包覆，加埋青蔥、蛋粒等配料，好食到停唔到口。
甜品 🍨
烏龍茶牛奶布甸 🍮
吉士鯛魚燒要加錢先可以加配，所以我哋揀咗套餐原本跟配嘅烏龍茶牛奶布甸。原來布甸佐有一球雲呢拿雪糕，亦有以新鮮生果、木糠碎點綴，賣相好掂。牛奶布甸嘅烏龍茶味極重，愛茶之人一定要試！
一個價錢，食盡11品料理，逸品料理、主食同甜品仲可以自選，自由度都算高，以呢個地段、呢個氛圍嚟講，確係抵食！
[價錢 Price]
💰$118
明太子蛋卷 🍳
我哋另外單點人氣之選嘅明太子蛋卷，呢款就最得家姐朋友嘅歡心，每件蛋卷都口感豐盈有層次，明太子夾心餡帶有鹹香，用上新鮮三文魚籽裝飾，精緻賣相令人垂涎欲滴！
價錢 Price]
💰$28
紫蘇雞腿肉 🐓
雞腿肉肉質緊實，只以簡單調料調味，灑上新鮮切絲紫蘇葉後一齊食，相當有風味。
[價錢 Price]
💰$58
薯蓉溏心炸蛋 💣
最後一款係朋友至愛，由店員親自推介嘅薯蓉溏心炸蛋！唔好睇佢平平無奇，其實佢就係一個超大嘅薯蓉炸蛋，內面仲真係放有一隻溏心蛋，超震撼！炸蛋下抹有薯蓉，令大大隻炸蛋都可以四平八穩咁企喺度。
炸皮有少少煙韌，薯蓉一啲都唔馬虎，混入咗碎蛋同芥末籽豐富口感，價錢仲出奇地平，真係勁勁勁推介！
[價錢 Price]
💰$88
沖縄トリート 🍹
最後我叫咗一杯mocktail試試，佢係以蘋果汁同青檸汁做base，再以新鮮青瓜同薄荷葉調味，味道冰爽清新，而且presentation好靚，好值得叫返杯飲！
Post
